Şou-biznes

Tayson Fyuri məşhur serial personajına meydan oxudu

4 İyul 2022 13:15

0 Şərh Baxış: 1 246

VTB-də minimal faiz dərəcəsi ilə nağd kredit 9.9%-dən

#İDMANÇI

Britaniyalı ağır çəkili boksçu Tayson Fyuri "Taxt oyunları" serialında Qriqor Qora Kleqan obrazı ilə tanınan islandiyalı pauerliftinq ustası Haftor Byornssona meydan oxuyub və cavabını alıb. İdmançılar "Instagram"ın hekayələr bölümündə söhbətləşiblər.

"Haftorun böyük çənəsi var. O mənim güclü sağ əl zərbəmə davam gətirə biləcəkmi?", - Fyuri sual edib. Britaniyalı qeyd edib ki, o, gündə iki dəfə, həftənin altı günü məşq edir və yalnız bu döyüş barədə düşünür.

Milli.Az oxu.az-a istinadən xəbər verir ki, Byornsson Fyurinin təklifi ilə razılaşıb. "Bu ideya mənim çox xoşuma gəlir. Siz və mən rinqdə vikinqlərə bənzəyəcəyik. Bu, gözləməyə səbirsizləndiyim blokbaster olacaq!", - yazaraq islandiyalı qeyd edib.

Byornssonun boksda debütü 2021-ci ilin yanvarında baş tutub. O, boksçu Stiven Uordla nümunəvi görüş keçirib. Qarşılaşma heç-heçə başa çatıb.

Fyuri isə 32 qələbə qazanıb və karyerasında bir dəfə də olsun məğlub olmayıb.

Milli.Az