Şou-biznes

"Xalqın sənətkarına kömək edirlərsə, ayıbdır?" - Elza Seyidcahan

25 May 2022 11:00
12 Şərh     Baxış: 2 042

"Səni axtarıram" verilişində həmkarlarından yardım istəyən Əməkdar artist Elza Seyidcahanla bağlı söz-söhbətlər səngimir. Onu qınayanlar da var, haqq qazandıranlar da.

Xatırladaq ki, E.Seyidcahanın anası ona məxsus olan obyekti keçmiş polis əməkdaşı, hazırda həbsdə olan Fərid Azayev, qardaşı Faiq Azayevə icarəyə verib. Sonra onlar icarə üçün müqavilə imzalamadan bundan imtina ediblər. Elza Seyidcahan obyekti geri almaq istəyib, lakin məhkəmə çəkişməsinə əsasən həmin yer qarşı tərəfin mülki kimi tanınıb. İndi Elza xanım həmin obyekti geri almaq üçün xalqdan yardım alır.

Elza xanımın dediyinə görə, özünün yaşadığı ev, anasının evinin sənədləri bankdan borc pul götürməyə imkan vermədiyinə görə xalqdan yardım istəməli olub.

Bu gün isə müğənninin oğlu Ələkbər efirə zəng edərək bildirib ki, E.Seyidcahan verilişi tərk etsə, anasına lazım olan məbləği tamamlayacaq.

"Xəbərim yox idi. Anama deyin ki, qalan pulunu mən verəcəyəm. Proqramdan ayrılsın, Xoşqədəm xanım proqramdakı digər insanlara kömək etsin". 

Oğulun anasının efirdə kömək istəməsindən xəbərsiz olması bir az təəccüb doğurub. Amma sonra Elza xanımın bir zamanlar verdiyi açıqlamalardan birində oğlunun ondan incidiyini yada salanda, bu anlaşılmazlığı başa düşmək olur. E.Seyidcahan yazdığı qalmaqallı şeirlərə görə oğlunun onunla danışmadığını söyləmişdi. 

Elza Seyidcahan Lent.az-a açıqlamasında bildirib ki, əhali ona yardım edib, vəsaitin xeyli hissəsi toplanıb. İndi çatışmayan 9000 manatdır: "Oğluma sənət dostu kimi deyirəm ki, maşınını satıb vermək lazım deyil. 9 min manat qalıb. Mən artıq qalan vəsaiti həmin proqramda yardıma ehtiyacı olan Gülməmməd adlı uşağa bağışlayacam".

Elin ağzı torba deyil ki, büzəsən. İnsanlar deyirlər ki, televiziya proqramları bu vasitə ilə pul toplayır, həm də reytinq qazanırlar. İş, sadəcə şou xarakteri daşıyır. Biz də insanların dediklərinə Elza xanımdan münasibət öyrənmək istədik. 

- Elza xanım, insanlar deyirlər ki, sözü gedən obyekt içində oturduğunuz ev deyil ki, deyək, təcili kömək edilməlidir. Bu qədər yardıma ehtiyacı olan insan varkən, məhz sizə yardım yığılması məsələsini izləyicilər birmənalı qarşılamırlar. Siz bu barədə nə düşünürsünüz? Bu qədər hay-küyə gərək var idi?

Elza xanım sualımıza bir qədər əsəbi cavab verdi.

- Mən ədalətsizliyə görə efirə çıxdım. Sözümü efirdə yox, harada deyim? El gücü sel gücü. El yığışıb öz sənətkarına kömək edir, burda pis olan nə var? Mənim haqqımda pis düşünənlər, öz qarınları üçün yaşayanlardır. Məni ruhən öldürüblər. Yaradıcılığıma, ruhuma zərbə vurublar. Bu yaxınlarda Qırğızıstan Bəstəkarlar Birliyinə üzv seçilmişəm, mən bundan bəhs etmək, layihələr yaratmaq əvəzinə, görün nə ilə gündəmdəyəm. Bu gün sevilməsəydim  şəhid və qazi ailələri mənə yardım etməzdilər.

- Axı o ailələrin bir çoxunun özlərinin köməyə ehtiyacı var?

- Xeyr, siz o ailələri heç də zəif hesab eləməyin. Qurban olum şəhid və qazi ailələrinin qeyrətinə. Mən onlardan tələb etməmişəm, özləri mənə yardım edirlər, özləri kömək əllərini uzadırlar. Mən ciddi işlər görsəm də, həmişə insanlar məsələnin şou tərəfini düşünür, tənqid edirlər.

- Siz elə obrazlar yaradırsınız ki, istər-istəməz tənqid olunursunuz.

- Nə, məsələn?

- Məsələn, son dəfə sizi başınızda qəfəs, içində də xoruzla görmüşdüm...

- O bir layihə idi. Qarşımdakı adamın xoruzunu qoltuğuna vermək anlamına gəlirdi. Mən satirayla yanaşıram, insanlar düzgün anlamırlar. Niyə Ledi Qaqa ətdən paltar geyinəndə ona söz deyilmir, mənə deyilir. Mən bir çox yenilikləri ondan qabaq edirəm. Ledi Qaqanın ayaqları altına milyonlar səpən insanlar mənə çatanda sənətkar olduğumu da unudurlar.

Bax belə. Bu Elza Seyidcahanın fikridir. Bəlkə də  Avropada doğulub yaşasaydı, Ledi Qaqadan da məşhur və varlı olacaqdı, Azərbaycanda isə ya biz onu anlayammırıq, ya da o özünü düzgün ifadə edə bilmir...

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

12 Şərh:

  • Anonim
    Ebru · 25 May 11:19106

    Mən nədəsə Elzanı qınamıram,və əksinə ona görə pis oluram((Oda insadıda,başına iş gəlib imkanı yoxdu buna əlacsız qalıb çıxıb.Həm də ki,borca istəyir sorada verəcəkdə.Allah kimsəni pis günə salmasın.Bu xanım o,gün yanan uşağa oyuncağ maşın gətirib o,körpəni ki,sevindirdi Elzaya hörmətim daha çox artdı.Bu xanımın ürəyi açığdı.Düzdü biraz fərqlidi amma əsas insanı ürəyini təmizliyidi..Kim nə deyir,qınayır özü bilər.Amma Elzanın yanındayam:)Allah köməyi olsun.Özümdə bilmədəm Elzanın fanatı oldum nağayracamaaa:)))

    Cavab yaz
    • Anonim
      Maqa · 25 May 11:57134

      Meyxana deyərdiz))

      Cavab yaz
      • Anonim
        Ebru · 25 May 15:1452

        Onuda deyəcəyəm,saxlamışam növbəti Elzanın xəbərinə:)Sizdə o,dislaykı edən yazığlarda gözdə qulaqda olun:))

        Cavab yaz
        • Anonim
          Maqa · 26 May 12:2540

          Deyirəm də pulsuz vəkilləridi)

          Cavab yaz
  • Anonim
    Mən · 25 May 11:1995

    Nə özü qıymır ki maşınını satsın,nə də oğluna qıymır ki maşınını satsın.Ancaq pul toplamağa gələndə razıdır ki camaat yığıb versin.9min qalıb deyir.Elə bil 9min semiçka puludur.Camaatı gic yerinə qoyub lap. Bu işə qol qoyanda xalqla məsləhətləşmişdin?İndi də çıxıb pul istəyirsən.Səndən də imkansız ,çətin vəziyyətdə olan sənət adamlarımız var.Heç o yazıqları yada salan da yoxdur.Nə də efirlərə çıxıb sənun kimi pul dilənmirlər.

    Cavab yaz
    • Anonim
      Maqa · 25 May 12:01171

      Sag olun ürəyimdən keçəni xəbər verdi! Bir atalar məsəli var amma yeri deyil. Etik qaydalara gözləyəyin. Bilən yəqin başa düşdü. Birdə mənim üçün sənətkar Elnarə xanim Könül xanim Səkinə xanim Mələkxanimvə başqa sənətkarlar. Ölənlərədə allah rəhmət eləsin. Amin

      Cavab yaz
  • Anonim
    asi · 25 May 12:1851

    Elzanın başlna gələn hadisənin hüquqi tərəfləri qalıb, kənarda, niyə pul yığmasını qabardlrlar??..Pul yığmağı düz deyil, bu öz yerində..Amma ortada daha böyük problem var..Elzadır ya ayrı sadə vətəndaş, fərq etməz, insanın başına dələduzluq gəlib, qanun pozuntusu var, mülkü qeyri qanuni yollarla əlindən alınıb və.s..Bu həngaməyə başqa tərəfdən baxmaq lazımdır..Şou və reytinq xətrinə pul yığma söhbətini efirdə atıblar ortalığa, bizim sadəlöv millət də küyə gedir..Sənədlərlə Elzaya aid mülkdürsə, məhkəmə onu hansı əsasla qarşı tərəfin mülkü elan edib??..Qanunların danışmalı olduğu yerdə Xoşqədəm kimiləri şou yaradarsa, sabah sizləri gəlib, evinizdən, digər mülkünüzdən atıb, mülkünüzü başqasına versələr və təzədən həmin mülkü sizə böyük məbləğ qarşılığında geri versələr, siz sadə vətəndaşlar nə edəcəksiniz??..Elza müğənnidir, efirə çıxıb, pul yığa bildi..Bəs sizlər necə həll edəcəksiniz??..Ona görədə pulun başını buraxın, əsas məsələ ətrafında müzakirə aparın..

    Cavab yaz
    • Anonim
      Maqa · 26 May 12:2720

      Mən əvvəldə yazmişdi təzə çixan daki ay camaat qanun var qayda var dünya dərəbəylik deyil ki kim nə olsa edə? Hani bəs Elza nin vəkili variydi məşgul olsunda

      Cavab yaz
  • Anonim
    111 · 25 May 13:5645

    Haqqi yoxdur pul yiqmaqa, obyektdir de, gedir getsin de, kucede qalmayib ki

    Cavab yaz
  • Anonim
    Mən · 25 May 15:2100

    Siz də sağ olun

    Cavab yaz
  • Anonim
    " · 25 May 16:3141

    Elza ianə toplanmasını istəmir ki,öz sənət yoldaşlarından borc istiyir.Borcu da qaytarmaq fikrindədir.Ən azı niyyəti belədir.Öz vəziyyəyini özü bilir bir .də yaxın dostları.Hamıya bir-bir müraciət etmiyib vaxt darlığına görə efirə çıxıb.İmkanı olan yoldaşları kömək etsələr darda qalmış bir insanı sıxıntıdan çıxararlar.İnanıram ki,Elza da sözünü tutub borclarını qaytarar

    Cavab yaz
  • Anonim
    Buse · 26 May 09:0702

    Amma bir nefer de yazmadi.ki..Xosu bu arvadi sou ucun cixarib efire..Daha dogrusu icaze verib cixsin.Verilisi daha da muzakire edilsin.Mehkemeye verilib..belenci camaati yayindirir..hem de Elzanj qoyub ortaya ..xisin xisin gulur.Bir baxin da Xosunun ilan gozlerine herden.gorun nece baxir

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics