Şou-biznes

Rusiyanı "Dünya gözəli" müsabiqəsində azərbaycanlı təmsil edəcək - FOTO

2 Dekabr 2021 11:12
3 Şərh     Baxış: 5 591

Rusiyanın "Dünya gözəli - 2021" müsabiqəsində təmsil edəcək Tatarıstanın ən gözəl qızı Ralina Ərəbova şəxsi həyatından danışıb.

Milli.Az lent.az-a istinadla bildirir ki, o, 2019-cu ildə Rusiya gözəli titulunun sahibi olub. 

Kazanda anadan olan Ralinanın sözlərinə görə, o, səkkiz yaşından müxtəlif gözəllik müsabiqələrinin iştirakçısı olub və "Dünya gözəli" müsabiqəsinə getməyi yalnız arzu edə bilərdi.

O, böyük və çoxmillətli ailədə böyüyüb: anası tatar qızıdır, təmizlik xidmətində administrator vəzifəsində çalışır. Atası azərbaycanlıdır, şəhər ətrafı yol kənarındakı kafenin sahibidir.

Ailə çox imkanlı deyil və gözəllik müsabiqələrinin köməyi ilə qız yaxşı pul qazanmağa və daha yaxşı bir həyat şansına ümid edir. Ərəbova etiraf edir ki, anası onun istəklərini həmişə dəstəkləyib və yarışda qələbəsini ona həsr etmək istəyir.

Ralina "Rusiya gözəli" müsabiqəsində ölkənin istənilən universitetində təhsil almaq üçün qrant qazanıb və Rusiya Federasiyası hökuməti yanında Maliyyə Universitetinin hüquq fakültəsinə daxil olub. Eyni zamanda, Kazan Dövlət Energetika Universitetində reklam mütəxəssisi kimi qiyabi təhsilini davam etdirir.

Ərəbova stand-upu sevir və universitetin şən və hazırcavablar komandasında çıxış  edir. Onun sözlərinə görə, şəxsi həyatı yoxdur, çünki buna vaxt çatmır.

Son bir neçə ayı gözəllik kraliçası müsabiqəyə hazırlaşmağa həsr edib: səhər 9-dan nahar vaxtına qədər moda nümayişləri ilə məşğul olub, daha sonra ingilis dilini, ondan sonra isə makiyaj, saç düzümü və üslub sənətini öyrənib. Bu səbəbdən onun yalnız yemək vaxtı var: səhər şirin bir şey, günortadan sonra - şorba və salat, gecə isə kefir içə bilər.

Ərəbovanın əsas arzusu çoxuşaqlı və aztəminatlı ailələrin uşaqları üçün incəsənət məktəbi açmaqdır. O, uşaq ikən musiqi məktəbində fleyta sinfinə getdiyini və üzgüçülüklə məşğul olduğunu, lakin bunun üçün anasının ona çox pul yığdığını bildirib.

22 yaşlı Ərəbovanın idealı ağır xəstəliyə rəğmən yaradıcılıqla məşğul olan müğənni və aktrisa Selena Qomesdir. 

Milli.Az

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

3 Şərh:

  • Anonim
    elvin · 2 Dekabr 2021 12:5120

    hardan azərbaycanlı oldu ki?

    Cavab yaz
  • Anonim
    TB · 2 Dekabr 2021 14:5201

    Bu tek rusiyanin deyil dunyanin en gözəlidirç vay be

    Cavab yaz
  • Anonim
    Ddd · 2 Dekabr 2021 21:4311

    Gozeller gozeli ralina xanim atasi azerbaycanli anasi tatardir esq olsun gozelliyine

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.