Rusiya

Rusiyada işləyən azərbaycanlıların diqqətinə - Sentyabrın 1-dən...

18 Avqust 2025 16:28

Baxış: 5 319

VTB-də minimal faiz dərəcəsi ilə nağd kredit 9.9%-dən

#RUSİYA

Bu il sentyabrın 1-dən Rusiyanın Yamalo-Nenets Muxtar Dairəsində Azərbaycan, Tacikistan və Özbəkistandan olan miqrantlara yeni məhdudiyyətlər tətbiq olunacaq.

Milli.Az xəbər verir ki, bu barədə rus mediası məlumat yayıb.

Yeni qaydalara əsasən, patentlə çalışan miqrantlar artıq topdan və pərakəndə ticarət, eləcə də nəqliyyat vasitələri və motosikletlərin təmiri sahəsində işləyə bilməyəcəklər.

Bununla belə, onlara tikinti sektorunda işləməyə icazə veriləcək.

Qeyd edək ki, son 5 il ərzində Yamalda miqrantların sayı azalıb. Bu, ilk dəfə deyil ki, onlar üçün məhdudlaşdırıcı tədbirlər tətbiq edilib. Məhdudiyyətlərin birinci hissəsi aprelin 28-də, ikinci hissəsi isə iyunun 1-də təqdim edilib. Ən əhəmiyyətlisi bu il sentyabrın 1-də qüvvəyə minəcək.

Aysel Əkbər
Milli.Az