Rusiya

Dağıstan rəhbərindən Azərbaycan-Rusiya münasibətlərinə reaksiya

7 İyul 2025 12:31

Baxış: 1 728

VTB-də minimal faiz dərəcəsi ilə nağd kredit 9.9%-dən

#RUSSİA #DAĞISTAN

Dağıstan Respublikasının başçısı Sergey Melikov Azərbaycan-Rusiya münasibətlərinə münasibət bildirib.

Milli.Az xəbər verir ki, o, bu barədə teleqram kanalında yazıb.

"Rusiya ilə Azərbaycan arasında münasibətlərdə müəyyən çətinliklər sülh yolu ilə, hər iki tərəfin maraqları nəzərə alınmaqla və bir-birinə hörmətlə həll oluna bilər. Bölgədə Dağıstanı vətəni hesab edən çox sayda azərbaycanlı yaşayır. Bizim əlaqələrimiz coğrafi əlaqələrdən daha üstündür. Bu, tarix, qohumluq bağları, mədəniyyət, birgə həyatdır. Ölkələri münaqişəyə cəlb etmək cəhdləri Dağıstan, Azərbaycan, bütün Rusiya üçün sülh və sabitlik istəməyənlər tərəfindən edilir. Xarici qüvvələr dəfələrlə başqasının əli ilə vəziyyəti pozmağa cəhd etsələr də, nəticəsiz qalıb. Mən hər kəsə müraciət edirəm: həm dağıstanlılara, həm də azərbaycanlı qardaşlarımıza, - zərbə endirilməsinə imkan verməyin. Emosiyalara təslim olmayın, təxribatlara aldanmayın, məişət millətçiliyinə qədər enməyin".

Milli.Az