Rusiya

Rusiyada miqrantların “qara günləri” başlayır

24 May 2025 14:45
Baxış: 2 433
VTB-də minimal faiz dərəcəsi ilə nağd kredit 9.9%-dən
#RUSSİA #MİQRANTLAR #MİQRASİYA

Rusiyada miqrantlara birdən çox telefon nömrəsi işlətmək qadağan edilə bilər. 

Milli.Az qafqazinfo-ya istinadən xəbər verir ki, bu TASS agentliyi məlumat yayıb. 

Bununla bağlı Rusiya Dövlət Dumasının Əmək, Sosial Siyasət və Veteranların İşləri üzrə Komitəsinin rəhbəri Yaroslav Nilov tərəfindən qanun layihəsi hazırlanıb. Əcnəbilərə birdən çox abunəçi nömrəsinin istifadəsini qadağan edən sənəddə qeyd olunur ki, bu cür məhdudiyyətlər milli maraqların qorunmasına və vətəndaşlar üçün daha təhlükəsiz mühitin yaradılmasına yönəlib.

Nilovun sözlərinə görə, qloballaşma və əhalinin mobilliyinin artması şəraitində təhlükəsizlik məsələsi xüsusilə aktuallaşır: "Terrorizm, casusluq, dələduzluq, kibertəhlükələrlə bağlı artan təhdidləri nəzərə alaraq, ölkəmizdə əcnəbilərin və vətəndaşlığı olmayan şəxslərin SİM kartlara sahiblik hüququnun məhdudlaşdırılması üçün tədbirlər görmək lazımdır. Hazırki qanuna görə, həmin şəxslər 10-a qədər SİM karta malik ola bilər ki, bu da böyük rəqəmdir".

Qeyd edək ki, 2025-ci il yanvarın 1-dən Rusiya Federasiyasında əcnəbilərin 10-dan çox abonent nömrəsini öz adlarına qeydiyyatdan keçirməsinə qadağa qoyulub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.