Rusiya

Rusiyadan "Google"a fantastik cərimə

30 Oktyabr 2024 14:49
Baxış: 2 288
VTB-də minimal faiz dərəcəsi ilə nağd kredit 9.9%-dən
#RUSSİA #GOOGLE

Rusiya, Google-ı keçmişdəki məhkəmə işləri ilə əlaqədar cəzalarla birlikdə 20.000.000.000.000.000.000.000.000.000.000.000 (desilyon) dollardan çox bir məbləğdə ciddi bir cəriməyə məhkum edib.

Milli.Az lent.az-a istinadən bildirir ki, bu nəhəng cəzanın tarixi 4 il əvvələ gedib, çıxır. 2020-ci ildə YouTube ABŞ-ın kanal sahibinə qarşı sanksiyalarına əməl edərək, Rusiyanın ultramillətçi Tsargrad TV kanalını qadağan etmişdi. O zamandan bəri, xüsusilə Rusiyanın 2022-ci ildə Ukraynanı işğal etməsindən sonra siyahıya yeni kanallar əlavə edilib. Hazırda Rusiyanın Müdafiə Nazirliyinə bağlı olan Zvezda TV də daxil olmaqla ümumilikdə 17 kanal Google-a qarşı məhkəmə işinə başlamaq üçün müraciət edib.

Rus qanunlarına görə, İnzibati Xətalar Məcəlləsinə zidd davranmaqda ittiham olunan Google, məhkəmə qərarı ilə YouTube-da bu kanalları yenidən aktivləşdirməyə məcbur edilib. Qərara əsasən, şirkət kanalları açmazsa, hər gün üçün 100 min rubl (təxminən 1.025 $) cərimə ödəməli olacaq. Bu cəza hər həftə artaraq böyüyür və mürəkkəb faizlə hesablanır. Buna görə də hazırkı ümumi cəza son dərəcə yüksək bir səviyyəyə çatıb.

Lakin Google-ın bu cərimələr səbəbindən iflas etməsi ehtimalı aşağıdır. Rusiyada 2022-ci ildən bəri fəaliyyət göstərməyən və bank hesablarına həbs qoyulduğu üçün yerli əməliyyatları dayanma nöqtəsinə gələn Google, hazırda ölkədəki iş gücünü böyük ölçüdə azaltmış vəziyyətdədir. Rusiyanın Google-a aid olan aktivləri müsadirə etmək səyləri isə beynəlxalq məhkəmələrdə davam edir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.