Rusiya

Rusiya ilə sərhəddə sıxlıq - SƏBƏB NƏDİR? - VİDEO

21 Fevral 2022 14:54

1 Şərh Baxış: 1 118

VTB-də yüksək depozit faizleri daha çox qazandırır

#VİDEO

Azərbaycan-Rusiya sərhədində yenidən sıxlıq var. Yük aparan nəqliyyat vasitələrinin kilometrlərlə növbəsi yaranıb. Sərhəddə 1 həftədən artıq qalan bəzi avtomobillərin yanacaqları qurtarıb.

Milli.Az Xəzər TV-yə istinadən xəbər verir ki, Rusiya yük aparanlar günlərdir sərhəddə növbə gözləyir.

Ölkəmizdən Rusiyaya keçmək üçün 1500-dən çox nəqliyyat vasitəsi uzun tıxaclara səbəb olub.

Sürücülər maşınların gec yoxlanıldığını və növbənin buna görə yarandığını iddia ediblər.Soyuducuda məhsullar xarab olmasın deyə maşınları işlək vəziyyətdə saxlayırlar. 1 həftədən çoxdur ki, sərhəddə qalan sürücülərin bəzilərinin yanacaqları qurtarıb.

Dövlət Gömrük Komitəsindən isə bildirilib ki,sıxlığa səbəb Rusiyada yerləşən gömrük-keçid məntəqəsində tikinti-quraşdırma işlərinin aparılmasıdır.

O da bildirildi ki,intensivliyi artırmaq məqsədi ilə ölkəmizin gömrük orqanları qarşı tərəfdəki, həmkarları ilə mütamadi olaraq danışıqlar aparır və sıxlıgın aradan qaldırılması ilə baglı tədbirlər görülür.

Milli.Az