Siyasət

Şuşa təkcə çox gözəl bir yer deyil, həm də Qarabağın ruhudur - Özbək jurnalist

1 Sentyabr 2021 16:03
Baxış: 1 635

Şuşa təkcə çox gözəl bir yer deyil, həm də Qarabağın ruhudur.

Milli.Az bildirir ki, bunu Trend-ə Özbəkistanın UZA Milli İnformasiya Agentliyinin əməkdaşı Saidmurod Rahimov Türk Şurasına üzv və müşahidəçi dövlətlərin media orqanlarının "Azərbaycana Media Tur" çərçivəsində Şuşa şəhərinə səfəri zamanı deyib.

O, səfərdən çox gözəl təəsüratların yarandığını bildirib: "Biz bu şəhərin tarixinə aid olan müxtəlif mədəni obyektləri ziyarət etdik. Təəssüf ki, biz abidələrin üzərində güllə izləri gördük. Bu, çox böyük vandalizmdir. Belə bir şey olmamalıdır, insanlara və onun tarixinə hörmət etmək lazımdır".

S.Rəhimov, həmçinin, Azərbaycanın digər azad edilmiş rayonlarına səfərləri ilə bağlı təəssüratlarını bölüşüb: "Biz Cəbrayıl rayonunda dağıntıları görüb çox təsirləndik. Orada hatta qəbiristanlıqlar dağıdılıb, evlərin ancaq divarları qalıb. Hiss olunur ki, əvvəllər orada həyat olub və ümid edirik ki, tezliklə bərpa olunacaq, insanlar doğma evlərinə qayıdacaqlar. Mən inanırdım ki, Azərbaycan xalqı öz ərazi bütövlüyünü bərpa edəcək. Birinci Qarabağ müharibəsindən sonra Azərbaycan xalqı daha güclü oldu, buraya qayıdacağı və ədalətin bərpa olunması ümidi ilə yaşamağa başladı".

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.