Siyasət

Rusiyalı sülhməramlılar ermənilərə qan verdilər - FOTO

13 Avqust 2021 10:54

2 Şərh Baxış: 2 165

#DAĞLIQ QARABAĞ

Rusiyanın Qarabağdakı sülhməramlı kontingentinin hərbi qulluqçuları Xankəndində qanvermə aksiyası keçiriblər.

Onlar nəzarətlərində olduqları ərazilərin ucqar kəndlərində yaşayan və Xankəndindəki xəstəxanalarda müalicə olunan ermənilər üçün 40 litr qan verdilər.

Milli.Az bildirir ki, Rusiyanın Qarabağdakı sülhməramlı kontingentinin komandanlığının yaydığı bəyanatda deyilir: "Hərbi qulluqçular tərəfindən qanvermə aksiyası yerli hakimiyyət dairələrinin Rusiyanın sülhməramlı kontingentinin Humanitar Münasibət Mərkəzinə müraciətindən sonra könüllü qaydada həyata keçirilib. Təqribən 100 hərbi qulluqçu müraciətə cavab olaraq qanlarını könüllü olaraq veriblər".

Qanvermə aksiyası Xankəndindəki qanköçürmə bölməsinin bazasında rusiyalı sülhməramlıların xüsusi təyinatlı tibbi dəstəsinin mütəxəssisləri tərəfindən həyata keçirilib.

"Donorun qanı alınandan sonra infeksion statusu və hemotransmissiv infeksiyalarının olmamasını dəqiqləşdirmək üçün yoxlanılır", - Xankəndindəki qanköçürmə şöbəsinin rəhbəri Şayane Hovanesyan deyib.

Rusiyalı sülhməramlı kontingentin nümayəndəsi Maksim Puqaçovun dediyinə görə, qanvermə aksiyası başa çatandan sonra hər hərbi qulluqçuya şokolad, meyvə şirəsi və peçenyedən ibarət ərzaq payı verilib.

Milli.Az