Siyasət

Biz Azərbaycan tərəfindən təklif olunacaq hər cür əməkdaşlığa hazırıq - Litvanın XİN başçısı

30 Aprel 2021 15:02
Baxış: 566

Litva Cənubi Qafqaz ölkələri, o cümlədən təbii ki, Azərbaycan ilə əməkdaşlıqda maraqlıdır. Biz bu əlaqələri daha da genişləndirməkdə maraqlıyıq. Biz təkcə iqtisadi sahədə deyil, siyasi müstəvidə də əlaqələri gücləndirmək niyyətindəyik.

Milli.Az Trend-ə istinadən xəbər verir ki, bu fikirləri Litvanın xarici işlər naziri Gabrielius Landsbergis azərbaycanlı həmkarı Ceyhun Bayramovla keçirdiyi birgə mətbuat konfransında deyib.

Litvanın xarici işlər naziri vurğulayıb ki, regionda sülh və təhlükəsizlik mühüm şərtdir. Litva Azərbaycan tərəfindən təklif olunacaq hər cür əməkdaşlığa hazırdır.

Gabrielius Landsbergis bildirib ki, ikitərəfli iqtisadi əməkdaşlığı inkişaf etdirmək üçün potensial böyükdür. Azərbaycan Litvanın Qafqazda ən böyük ticarət tərəfdaşıdır. Litva, eyni zamanda, Avropa İttifaqı ilə Azərbaycan arasında siyasi müstəvidə əməkdaşlığın genişlənməsinin də tərəfdarıdır.

Milli.Az

 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.