Siyasət

Hərbi qənimətlər parkı: Gələcək nəsillərə örnək, düşmənə əbədi gözdağı - Trend TV-nin REPORTAJI

12 Aprel 2021 15:05

Baxış: 1 691

#SİYASƏT #VİDEO

Azərbaycan Respublikasının Prezidenti İlham Əliyev aprelin 12-də Bakıda Hərbi Qənimətlər Parkının açılışında iştirak edib.

Milli.Az Trend-ə istinadən xəbər verir ki, Hərbi Qənimətlər Parkı Prezident İlham Əliyevin təşəbbüsü ilə yaradılıb.

5 hektar ərazini əhatə edən Park paytaxtın Xətai rayonundadır. Parkdakı eksponatların arasında Silahlı Qüvvələrimizin işğaldan azad olunan ərazilərdə ermənilərdən qənimət götürdüyü 2 mindən çox avtomobilin nömrə nişanlarından hazırlanan və üzərində "Qarabağ Azərbaycandır!" şüarı əks olunan kompozisiya, Ermənistan tərəfindən törədilən müharibə cinayətləri, o cümlədən döyüş bölgəsindən uzaq olan ərazilərimizin raket zərbələrinə məruz qalması, dinc sakinlərin qətlə yetirilməsi və yaralanması barədə faktlar var.

Burada Vətən müharibəsinin gedişində düşməndən qənimət götürülən hərbi texnikanın bir qismi, ümumilikdə 300-dən çox eksponat, o cümlədən 150-dək ağır texnika sərgilənir.

Milli.Az Trend-ə istinadən Hərbi Qənimətlər Parkından hazırlanmış geniş videoreportajı təqdim edir:

Milli.Az