Siyasət

Ermənistan mina xəritəsini təqdim etməlidir - Ukraynalı ekspert

6 Aprel 2021 14:04
Baxış: 410

Ermənistan minalanmış sahələrin xəritəsini təqdim etməklə minaların təmizlənməsinə kömək etməlidir.

Milli.Az bildirir ki, bunu Trend-ə ukraynalı ekspert, professor Aleksandr Merejko deyib.

O bildirib ki, beynəlxalq humanitar hüquqda minaların istifadəsi tam qadağan edilməyib:

"Bununla belə, müəyyən növ minaların, xüsusən tələ minaların və piyada əleyhinə minaların istifadəsini qadağan edən konvensiyalar mövcuddur. Müharibə qanunlarını nəzərə alsaq, demək olar ki, minaların istifadəsi istənilən halda nəzarətə götürülməlidir".

Ekspertin sözlərinə görə, 1997-ci il Minaların qadağan olunması və məhvinə dair Konvensiyada qeyd olunub ki, hər bir iştirakçı dövlət ərazilərin minalardan təmizlənməsinə mövcud imkanlar daxilində kömək göstərməlidir:

"Bir sözlə, Ermənistan konstruktiv yanaşma nümayiş etdirməli və azad edilən ərazilərə qayıdan dinc sakinlərin həyatını təhlükəyə atmamaq üçün minalanmış ərazilərin xəritəsini təqdim etməlidir".

Milli.Az 

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.