Siyasət

Ermənistan Azərbaycan əhalisinə qarşı etnik təmizləmə siyasətini davam etdirir - Prezidentin köməkçisi

5 Aprel 2021 10:38
Baxış: 534

Azərbaycanın həm hərbçiləri, həm də mülki əhalisi mina təhlükəsinə məruz qalır.

Milli.Az Trend-ə istinadən bildirir ki, bunu Azərbaycan Prezidentinin köməkçisi Hikmət Hacıyev Beynəlxalq Mina Xəbərdarlığı və Mina Aksiyasına Yardım Günü ilə əlaqədar tədbirdə deyib.

H.Hacıyev bildirib ki, Ermənistan 30 il ərzində Azərbaycan ərazilərini işğal altında saxladığı müddətdə çoxlu sayda minalar basdırıb:

"Ermənistan minalardan məqsədli şəkildə istifadə edərək bunu Azərbaycanın mülki əhalisinə yönəldib. Bu, Ermənistanın hərbi cinayətlərinin nümunəsidir və Ermənistanın beynəlxalq öhdəliyinə ziddir. Ermənistan tərəfi Azərbaycan tərəfinə minaların xəritəsini təqdim etmir. Azərbaycan mülki əhalisinin hüquqları kobud surətdə pozulur. Bu eyni zamanda Azərbaycan əhalisinə qarşı etnik təmizləmə siyasəti və qətliamın davam etdirilməsidir".

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.