Siyasət

BMT Qarabağa missiya göndərəcək

28 Yanvar 2021 18:10
Baxış: 550

BMT strukturları Azərbaycan və Ermənistanla Dağlıq Qarabağa qiymətləndirmə missiyasının göndərilməsini razılaşdırmaqda davam edir.

Milli.Az Trend-ə istinadən bildirir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı deyib.

O bildirib ki, Rusiya prosesə beynəlxalq strukturların qoşulmasını faydalı hesab edir:

"Hazırda Dağlıq Qarabağda və ətraf rayonlarda Beynəlxalq Qırmızı Xaç Komitəsi fəal işləyir. BMT-nin xüsusi agentliklərinə gəldikdə, BMT rəhbərliyi Azərbaycan və Ermənistan tərəfi ilə təmasdadır və Dağlıq Qarabağa kompleks qiymətləndirmə missiyasının göndərilməsinin şərtləri razılaşdırılır".

M.Zaxarova əlavə edib ki, Rusiya BMT-nin Bakı və Yerevanla humanitar yardım məsələlərində əməkdaşlığını dəstəkləyir.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.