Qazaxıstanın bir çox regionunda parlament seçkilərində səsvermə başa çatıb. Bir neçə regionda səsvermə bir saat gec bitəcək.
Milli.Az xəbər verir ki, bu barədə Trend-ə açıqlamasında Qazaxıstanda keçirilən parlament seçkiləri prosesinin izləyən Azərbaycan nümayəndə heyətinin üzvü, millət vəkili Arzu Nağıyev deyib.
Onun sözlərinə görə, yerli vaxtla saat 07:00-da (05:00 GMT+4) açılan seçki məntəqələri saat 20:00-da (18:00 GMT+4) bağlanıb. Ümumilikdə ölkə ərazisində 9,9 min seçki məntəqəsi fəaliyyət göstərib:
"Bundan əlavə, xarici ölkələrdə - 53 dövlətdə 66 məntəqə təşkil edilib. Xaricdə yaşayan 12 min Qazaxıstan vətəndaşının səsvermə hüququ olub".
Qazaxstan Mərkəzi Seçki komisiyasından isə bildirilib ki, ümumilikdə 11,9 milyondan çox insan seçici siyahısına daxil edilib. Saat 20:00-a olan məlumatlara əsasən, parlament seçkilərində seçici fəallığı 63,1 faiz təşkil edib.
Milli.Az