Siyasət

Etirazçılar Fransa səfirliyi qarşısında bəyanat səsləndirib - VIDEO - FOTO - YENİLƏNİB

26 Noyabr 2020 12:38

Baxış: 2 644

#VİDEO #DAĞLIQ QARABAĞ MÜNAQİŞƏSİ

12:38

Aksiya iştirakçıları səfirlik qarşısında ingilis və fransız dillərində hazırlanmış plakatlar nümayiş etdirərək, "Qarabağ Azərbaycandır", "Fransa ədalətli ol" "Beynəlxalq hüquqa hörmət elə", "Fransa ATƏT-dən rədd ol!" kimi şüarlar nümayiş etdiriblər.

Milli.Az Trend-ə istinadən bildirir ki, aksiyaçılarının bəyanatında bildirilib ki, Fransa Senatının qəbul etdiyi qətnamədə əks olunmuş müddəalar noyabrın 9-da Azərbaycan və Ermənistan arasında əldə edilmiş razılaşmaya kölgə salır: "Ermənistan tərəfindən Azərbaycana qarşı törədilmiş çoxsaylı beynəlxalq cinayətlərə göz yuman, dinc azərbaycanlılara qarşı dəfələrlə həyata keçirilmiş terror və vandalizm riyakarlığın və ikiüzlülüyünü bütün dünyada nümayiş etdirdi.

Bu qətnamə əldə edilmiş sülhü təhlükə altına atır. Biz bu qətnaməni pisləyir və ləğv edilməsini tələb edirik. Senatın bədnam qətnaməsi ləğv olunana qədər isə Fransa ilə bütün əlaqələrin dayandırılmasını tələb edirik. Senatın qəbul etdiyi qətnamə BMT Təhlükəsizlik Şurasının daimi üzvü və ATƏT-in Minsk qrupunun həmsədri olan Fransa adına böyük rüsvayçılıq və qara ləkədir. Fransa ATƏT-in Minsk qrupunun həmsədrlik mandatından və vasitəçilik missiyasından imtina etsin".

----------

12:16

Bakı sakinləri Fransanın Azərbaycandakı Səfirliyi qarşısında etiraz aksiyası keçirir.

Milli.Az Trend-ə istinadən bildirir ki, paytaxt sakinləri və 40-a yaxın QHT səfrilik qarşısına toplaşaraq Fransa senatında qondarma "Dağlıq Qarabağ respublikasının" tanınmasına dair qətnamə layihəsinin qəbuluna etiraz edir.

Aksiya iştirakçıları səfirlik qarşısında bəyanat səsləndiriblər.

Milli.Az