Siyasət

Peskovdan Putinin Qarabağla bağlı müraciətinə münasibət

18 Noyabr 2020 16:02
Baxış: 1 627
#RUSİYA #DAĞLIQ QARABAĞ MÜNAQİŞƏSİ

Rusiya Prezidenti Federasiya Şurasının 2015-ci il tarixli qərarına uyğun olaraq Rusiya Federasiyasının Silahlı Qüvvələrindən xaricdə istifadə edə bilər. Rusiya sülhməramlılarının Dağlıq Qarabağa göndərilməsi üçün parlamentin yuxarı palatasından ayrıca icazə tələb olunmur.

Milli.Az qafqazinfo-ya istinadən xəbər verir ki, bunu Rusiya Prezidentinin mətbuat katibi Dmitri Peskov Vladimir Putinin Federasiya Şurasına Dağlıq Qarabağla bağlı bugünkü müraciətini şərh edərkən deyib.

Peskovun sözlərinə görə, müraciət Rusiya ordusunun sülhməramlı missiyasının müddəti ilə əlaqədar olaraq edilib.

"Federasiya Şurasının 2015-ci il tarixli bir qərarı var idi və bu, Prezidentin bu cür operativ qərarları qəbul etməsi üçün qanuni əsas idi. Nəzərə alsaq ki, bizi beş illik bir müddət gözləyir, - hansı ki, lazım olduqda uzadıla bilər, - sülhməramlı missiyanın irimiqyaslı xarakteri nəzərə alınmaqla əlavə icazə istənilib",- Peskov qeyd edib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.