Siyasət

Ermənistanda məhkumlardan intiharçı dəstələr yaradılır - FOTO

21 Oktyabr 2020 13:30
Baxış: 2 921

Ermənistanda xüsusilə təhlükəli cinayətlər törətdiklərinə görə uzun müddət cəzaya məhkum olan məhkumlardan intihar dəstələri yaradılır.

Milli.Az bildirir ki, Day.Az-ın məlumatına görə, bu barədə Rusiya Müdafiə Nazirliyi yanındakı İctimai Şuranın üzvü, "Milli müdafiə" jurnalının baş redaktoru, Dünya Silah Ticarəti Analizi Mərkəzinin direktoru İqor Korotçenko özünün "Telegram" kanalında məlumat verib.

"Bir sıra erməni "Telegram" kanallarında, Ermənistanda xüsusi təhlükəli cinayətlər törətdiklərinə görə uzun müddətə azadlıqdan məhrum edilən məhkumlardan intihar dəstələrinin yaradılması barədə məlumatlar yayılıb", - hərbi ekspert yazıb.

Korotçenkonun sözlərinə görə, onların cəbhədə ən şiddətli döyüşlərin getdiyi bölgələrə göndərilməsi planlaşdırılır.

"Əvvəlcə qadın taborları, indi cəza taborları. Sonra da erməni qoşunlarının arxa hissəsinə onların geri qaçmamaları üçün baraj dəstələri?..", - ekspert sözlərini yekunlaşdırıb.

Milli.Az

Məqaləyə dair fotomateriallar:

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.