Siyasət

Ərdoğan: “Ermənistana silahlar göndərilir, bunu niyə demirsiniz?"

14 Oktyabr 2020 15:39

Baxış: 4 125

#TÜRKİYƏ #DAĞLIQ QARABAĞ MÜNAQİŞƏSİ

"30 ildir oturub, danışıb gedirlər. Azərbaycanın işğal edilmiş torpaqlarını qaytarın, bu, çətin deyil".

Milli.Az bildirir ki, Türkiyə prezidenti Rəcəb Tayyib Ərdoğan Qarabağ münaqişəsi ilə bağlı mövqeyini açıqlayıb.

O, deyib: "Bizimlə əlaqə saxlayanlar deyirlər ki, Suriyadan döyüşçü göndərirsiniz. Bizim belə bir dərdimiz yoxdur. Azərbaycanlı qardaşlarımıza hər cür dəstək verməyə hazırıq və verəcəyik. Amma Minsk Qrupu üçlüyünün dəstəyini niyə qeyd etmirsiniz. Rusiyadan, Fransadan Ermənistana bu qədər silahlar göndərilir. Bunları niyə demirsiniz? Bunların qarşısında səssiz qalırsınız. Deyirsiniz ki, Azərbaycana Suriyadan döyüşçülər gəlir. Onların öz torpaqlarında işi var, oraya getməzlər.

ATƏT-in Minsk qrupu Dağlıq Qarabağla bağlı danışıqları başa çatdırmalıdır

Azərbaycan öz torpaqlarını istəyir, başqa hər hansı tələb yoxdur".

Milli.Az