Siyasət

Artıq Qarabağa açar Azərbaycan ordusunun əlindədir - Hərbi ekspert

14 Oktyabr 2020 14:14
Baxış: 3 216

Azərbaycan ordusu çox düzgün taktika seçib və yaxın günlərdə Ermənistan ordusunun vəziyyəti kritik həddə çatacaq.

Milli.Az bildirir ki, bunu Trend-ə hərbi ekspert Üzeyir Cəfərov deyib.

Ü.Cəfərov bildirib ki, Ermənistan öz əsgər və zabitlərini normal qida, silah-sursatla təmin edə bilmir:

"Bir həftə - 10 gün ərzində ermənilər ümumiyyətlə çökəcəklər. Ona görə onların Azərbaycanın mülki obyektlərinə atəş açması çarəsizlikdən irəli gəlir. Düşmən həm mənəvi, həm də fiziki cəhətdən təmiz yorulub. Ermənistan çox çıxılmaz bir duruma düşüb.

Ermənistanın artıq əvvəlki imkanları yoxdur. Orduları həm canlı qüvvə, həm də hərbi texnika baxımından böyük itkilərə məruz qalıb, hava hücumundan müdafiə qoşunlarının 80 faizi məhv edilib. Ermənilər hələ eyforiyadadırlar. Ermənistan yaxın günlərdə çox böyük fəlakətlə üz-üzə qalacaq.

Demoralizə olunmuş ordu, xeyli sayda canlı qüvvə itkisi, eyni zamanda ölənlərin kompensasiya məsələsi var. Bütün bunlara Ermənistan daxilində cavab vermək lazım olacaq. Ona görə çox yaxın günlərdə Ermənistanın daha ağır günləri başlayacaq".

Ü.Cəfərov qeyd edib ki, artıq Dağlıq Qarabağın açarı Azərbaycanın əlindədir: "Birmənalı olaraq cəbhə xəttində bütün üstünlüklər Azərbaycanın əlindədir. Artıq Qarabağın qapısına açar da Azərbaycan ordusunun əlindədir. Hadrutun işğaldan azad edilməsi ordumuza çox böyük üstünlük verir".

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.