“Azərbaycan görüntü xatirinə danışıqlarda iştirak etməyəcək” – “Hədəf”də TƏHLİL

Cənubi Qafqazda cərəyan edən hadisələr, işğalçı Ermənistanın aqressiyası Azərbaycan daxilində və ölkəmizdən kənarda geniş şəkildə müzakirə olunmaqdadır.

Milli.Az Trend-ə istinadən bildirir ki, Azərbaycan Televiziyasının (AzTV) "Hədəf" analitik verilişində bölgəmizdəki son vəziyyət, Ermənistan hərbi-siyasi rəhbərliyinin Ermənistan-Azərbaycan, Dağlıq Qarabağla bağlı verdiyi bəyanatlar, düşmənin yeni müharibə hazırlıqları müzakirə edilib. Proqramın qonaqları, politoloqlar Elxan Şahinoğlu və Elxan Ələsgərov son proseslərlə bağlı fikirlərini səsləndiriblər. Bildirilib ki, bu gün rəsmi yerevan tərəfindən verilən bəyanatlar faktiki olaraq sülh danışıqlarını pozub. Düşmən bölgəni fəlakətə aparan addımlar atmaqda davam edir. Ermənistanın aqressiv siyasətinə dünya birliyi, beynəlxalq təşkilatlar etirazını bildirməlidirlər. Qeyd olunub ki, işğalçı dövlət işğalda saxladığı Azərbaycan ərazilərinə Suriya və Livandan ermənilərin qeyri-qanuni köçünü həyata keçirir. Ermənistan həmin ermənilərdən silahlı muzdlular kimi istifadə etməkdədir. Cəbhədə təxribatların törədilməsinə görə bütün məsuliyyəti Ermənistanın daşıdığını bildirən analitiklər hesab edirlər ki, rəsmi Yerevandan sülh danışıqları barədə verilən bəyanatlarda düşmən səmimi deyil. Vurğulanıb ki, Azərbaycan görüntü xatirinə danışıqlarda iştirak etməyəcək.

Proqrama videobağlantı vasitəsi ilə türkiyədən qoşulan politoloq Barış Dostəl deyib ki, Ermənistanın mövqeyi aqressivdir və sülhdən kənardır: "Belə olan halda isə Dağlıq Qarabağ danışıqlarından müsbət heç nə əldə edilə bilməz".

Verilişdə Azərbaycan-Türkiyə əməkdaşlığı, qardaşlığı da müzakirə olunub. İki qardaş, dost və tərəfdaş ölkənin birgə addımlar atdığı söylənilib.

"Hədəf"in müzakirəsinə bütöv şəkildə "YouTube" kanalımızdan baxa bilərsiniz: https://www.youtube.com/watch?v=Onc3u11zrhI

https://www.instagram.com/aztvresmi/?hl=ru
http://www.aztv.az/az/
https://www.facebook.com/aztvresmi
https://twitter.com/aztvresmi
https://www.youtube.com/channel/UCVf7OL0jKiO1OMHN_qaNf0w

İnformasiya dəstəyi - Trend.az

Milli.Az