Siyasət

Tamam Cəfərova: Prezident İlham Əliyev dünya birliyinə çağırış etdi

22 Sentyabr 2020 17:28
Baxış: 706

Azərbaycan Prezidenti İlham Əliyevin BMT-nin 75 illiyinə həsr edilmiş Yüksək Səviyyəli İclasdakı çıxışında ölkəmizin milli maraqlarını bir daha qətiyyətlə ortaya qoymuş, Azərbaycanın ədalətli mövqeyini bütün dünyaya çatdırmışdır. Azərbaycan adından çıxış edərkən Cənab İlham Əliyev Ermənistanın işğalçılıq mahiyyətini faktlarla ifşa etmiş, onun BMT Nizamnamısini kobud şəkildə pozduğunu, beynəlxalq hüququ heçə saydığını göstərmişdir: "Bütün üzv dövlətlər BMT Nizamnaməsinə qoşulmaqla hər hansı bir ölkənin siyasi müstəqilliyinə və ərazi bütövlüyünə qarşı güclə hədələməkdən və gücün tətbiqindən çəkinmək öhdəliyini götürmüşlər. Lakin Ermənistan öz öhdəliklərini kobud şəkildə pozmuş və Azərbaycana qarşı hərbi güc tətbiq etmişdir. Ermənistan Azərbaycanın Dağlıq Qarabağ bölgəsini və ətraf yeddi rayonunu işğal etmişdir. BMT Təhlükəsizlik Şurasının 1993-cü ildə qəbul edilmiş dörd qətnaməsi Ermənistan silahlı qüvvələrinin işğal edilmiş Azərbaycan torpaqlarından tam, dərhal və qeyd-şərtsiz çıxarılmasını tələb edir. Təəssüflər olsun ki, Ermənistan hələ də bu qətnamələrə məhəl qoymamaqda davam edir".

Milli.Az bildirir ki, bu sözləri Trend-ə açıqlamasında millət vəkili Tamam Cəfərova deyib.

Millət vəkili qeyd edib ki, Ermənistan işğal olunmuş ərazilərdə azərbaycanlı əhaliyə qarşı etnik təmizləmə həyata keçirmiş, bir milyondan çox azərbaycanlı qaçqın və məcburi köçkün statusu almışdır. Ermənistanhəmçinin işğal olunmuş ərazilərdə beynəlxalq hüquq normalarını kobud şəkildə pozaraq qanunsuz məskunlaşdırma siyasəti həyata keçirir, işğal olunmuş ərazilərdə Azərbaycan xalqına məxsus tarixi və dini abidələri məhv edib".

Bütün bunlara baxmayaraq, ATƏT-in Mins qrrupu da daxil olmaqla, beynəlxalq təşkilatlar Ermənistanın qanunsuz hərəkətlərinə qarşı mövqesizlik nümayiş etdirir, yaxud da, qəbul edilən qərar və qətnamələr sadəcə kağız üzərində qalır. Hamıya bəllidir ki, BMT Təhlükəsizlik Şurasının 1993-cü ildə qəbul edilmiş dörd qətnaməsi Ermənistan silahlı qüvvələrinin işğal edilmiş Azərbaycan torpaqlarından tam, dərhal və qeyd-şərtsiz çıxarılmasını tələb edir. Ermənistan isə hələ də bu qətnamələrə məhəl qoymamaqda davam edir. Bütün bunlarla yanaşı, işğalçı tərəf təcavüzkar mövqe nümayiş etdirməkdə davam edir. Belə ki, Ermənistanın baş naziri Azərbaycana qarşı hərbi əməliyyatlarda iştirak etməyə məcbur ediləcək on minlərlə mülki vətəndaşdan ibarət silahlandırılmış mülki könüllülər dəstələrinin yaradılmasını elan etmişdir. Bu, Ermənistan rəhbərliyinin yeni təcavüzkar niyyətini açıq şəkildə nümayiş etdirir. Ermənistanın müdafiə naziri Azərbaycanı "yeni ərazilər uğrunda yeni müharibə" bəyanatları ilə hədələyir. Əlbəttə ki, bütün bu təcavüzkar hərəkətlər düşmənin acizliyinin və məkrli "siyasət"inin göstəricisidir. Hamıya bəllidir ki, Ermənistan istər siyasi-iqtisadi, istərsə də hərbi baxımdan Azərbaycanla müqayisə edilə bilməz.

Deputat həmçinin qeyd etmişdir ki, hazırki vəziyyət onu deməyə əsas verir ki, düşmən əməllərindən geri durmayacaq. Bu barədə Cənab Prezident İlham Əliyev çıxışında qeyd edib ki, "Təcavüzkar ritorika və təxribatlar Ermənistanın Azərbaycana qarşı yeni təcavüzə hazırlaşdığını nümayiş etdirir. Biz BMT-ni və beynəlxalq ictimaiyyəti Ermənistanın növbəti hərbi təcavüzdən çəkindirilməsinə dəvət edirik".

Sonda millət vəkili vurğuladı ki, cənab Prezident İlham Əliyevin BMT-nin 75 illiyinə həsr edilmiş Yüksək Səviyyəli İclasdakı çıxışı orada təmsil olunan dövlətlərin nümayəndələrinə dövlətimizin güclü, prinsipial, qətiyyətli mövqeyini nümayiş etdirməklə yanaşı, Azərbaycanın ərazi bütövlüyünün müzakirə mövzusu olmadığını, münaqişənin yalnız işğal altında olan torpaqlarımızın azad olunması ilə həll olunacağını göstərmişdir.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.