Siyasət

Türkiyə Prezident Administrasiyası: "Azərbaycan hər zaman Türkiyənin dəstəyinə arxalana bilər"

15 Sentyabr 2020 11:35
Baxış: 413

Azərbaycan hər zaman Türkiyənin dəstəyinə arxalana bilər.

Milli.Az bildirir ki, bunu Trend-ə Türkiyə Prezident Administrasiyasından bildiriblər.

Qeyd olunub ki, iki qardaş ölkəni tarixi, mədəni və qohumluq əlaqələri bağlayır:

"Bakının azad edilməsi günü kimi qeyd edilən 15 sentyabr tarixi təkcə Azərbaycan üçün deyil, həm də Türkiyə üçün əlamətdar tarixdir".

Administrasiyadan bildiriblər ki, Azərbaycanda olduğu kimi, Türkiyədə də Bakının azad edilməsi zamanı həlak olmuş qəhrəmanların xatirəsi anılır və bu əlamətdar gün heç vaxt unudulmayacaq:

"Türkiyə Azərbaycanla ildən-ilə genişlənən və möhkəmlənən münasibətlərə böyük dəyər verir".

Həmçinin qeyd olunub ki, çoxillik dostluq və əməkdaşlıq ərzində Bakı və Ankara bütün dünyaya həmin münasibətlərin kiməsə qarşı yönəlmədiyini nümayiş etdirib:

"Ankara və Bakının sıx münasibətlərində region yalnız fayda görür".

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.