Siyasət

İran Azərbaycanı uğurlu parlament seçkiləri münasibətilə təbrik etdi

17 Fevral 2020 18:21
Baxış: 1 098

İran İslam Respublikası Azərbaycanda uğurlu parlament seçkilərinin keçirilməsi münasibəti ilə Azərbaycan dövləti və xalqını təbrik edir. Bunu İranın Xarici İşlər Nazirliyinin (XİN) mətbuat katibi Abbas Musəvi deyib.

Milli.Az xəbər verir ki, bu barədə Trend İran XİN-in informasiya portalına istinadən məlumat verib.

Nazirlik rəsmisi ümidvar olduğunu bildirib ki, iki ölkə münasibətləri daha da inkişaf edəcək.

Qeyd edәk ki, fevralın 9-da Azәrbaycanda növbәdәnkәnar parlament seçkilәri keçirilib. Seçkilərdə 1314 nəfər namizəd iştirak edib.

Səsvermə hüququna malik 5 212 902 nəfər seçicidən 2 547 982 seçici səs verib. Seçici fəallığı 47.81 faiz təşkil edib.

Seçkilərin gedişini 883 beynəlxalq və 77 790 yerli müşahidəçi izləyib. Yerli müşahidəçilərdən 35 152-i siyasi partiyaların müşahidəçiləri olub. Beynəlxalq müşahidəçilər 58 ölkəni və 59 təşkilatı təmsil edib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.