Siyasət

Səfir: "Tuskun səfəri Aİ ilə Azərbaycan arasındakı münasibətlərdə mühüm irəliləyişi göstərir"

12 İyul 2019 13:13
0 Şərh     Baxış: 219

Avropa İttifaqı (Aİ) Şurasının prezidenti Donald Tuskun Azərbaycana səfəri Aİ ilə münasibətlərdə mühüm irəliləyişi göstərir.

Milli.Az Trend-ə istinadən xəbər verir ki, bunu Aİ-nin Azərbaycandakı nümayəndəsi Kestutis Yankauskas mətbuat konfransında deyib:

"Bu, prezident Tuskun son regional səfəri idi. Bu səfər onun Azərbaycana 2015-ci ildə etdiyi səfərdən sonra münasibətlərdəki mühüm irəliləyişi nümayiş etdirdi. Tusk Azərbaycanın suverenliyi, ərazi bütövlüyü və müstəqilliyinə dəstəyini ifadə edib".

O qeyd edib ki, Aİ və Azərbaycan tərəfdaşlıq barədə sazişlə bağlı danışıqların son mərhələsindədir:

"Yeni aviasiya sazişi ilə bağlı danışıqlarda böyük irəliləyiş müşahidə olunub. Biz ötən il nəqliyyat və təhlükəsizlik üzrə yeni dialoqlara başlamışıq. Tərəfdaşlıq prioritetləri üzrə vacib sənəd imzalanıb. Aİ Azərbaycanın ən iri ticarət tərəfdaşı və investorudur. Bizim Azərbaycanda demək olar ki, bütün sosial-iqtisadi sahələrdə layihələrimiz var".

Milli.Az

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.