Siyasət

"Bu formatda danışıqların gələn ay davam etdirilməsi razılaşdırılıb" - Elmar Məmmədyarov

6 Dekabr 2018 08:14

Baxış: 1 107

#SİYASƏT

Azərbaycan Respublikasının xarici işlər naziri Elmar Məmmədyarovun ATƏT-in Minsk Qrupunun həmsədrləri və Ermənistan Respublikasının xarici işlər naziri v.i.e Zöhrab Mnatsakanyan ilə 5 dekabr tarixində Milanda görüşü baş tutub.

Xarici İşlər Nazirliyindən Milli.Az-a verilən məlumata görə, nazir E.Məmmədyarov görüşün yekunlarını belə şərh edib: "Üç saatadək davam edən görüşdə tərəflərin bir-birlərinin mövqeyini daha yaxşı anlaması baxımından çox mühüm və faydalı danışıqlar aparılıb".

Nazir bildirib ki, bu formatda danışıqların yaxın gələcəkdə, böyük ehtimal ilə gələn ay davam etdirilməsi razılaşdırılıb.

Milli.Az