Siyasət

Azərbaycanın Avropa Şurasına qəbulundan 10 il keçir

25 Yanvar 2011 09:41
Baxış: 121
Milli.Az xəbər portalı AzərTAc-a istinadən xəbər verir ki, bu əlamətdar hadisə ilə bağlı Azərbaycanın AŞ yanında daimi nümayəndəliyi tərəfindən bir sıra tədbirlər keçiriləcək. Bu gün Strasburqun mərkəzi konsert salonunda Azərbaycandan gəlmiş caz qrupunun konserti olacaq. Bu tədbirdə AŞ rəhbərliyinin, qurum yanında akkreditasiya olunmuş diplomatik korpusun nümayəndələrinin, Strasburq ictimaiyyətinin, burada yaşayan və təhsil alan azərbaycanlıların iştirakı gözlənilir. Bu, bir növ Azərbaycan gecəsi olacaq.

Caz musiqisinin seçimi isə onunla bağlıdır ki, Azərbaycanda son illər bu musiqi janrı çox böyük uğurlar qazanır və yeni bir janr -milli etno-caz yaradılıb. Bu janr Azərbaycana Amerikadan gəlsə də, o bu musiqiyə öz milli çalarlarını əlavə edə bilmişdir və dünyada bu janrda öz sözünü deməyə başlayıb. Cazmenlərimiz bu konsertdə Azərbaycan cazının gözəlliyini göstərə biləcəklər. Tədbirdə, həmçinin daimi nümayəndəlik tərəfindən hazırlanmış və Strasburqda nəşr edilmiş "Azərbaycan gündəliyi" adlı təbliğat xarakterli təqvimli qeyd kitabçasının təqdimatı keçiriləcək.

Yanvarın 26-da isə AŞ-da böyük ziyafət təşkil olunacaq ki, bu tədbirə də çoxsaylı qonaqların, o cümlədən AŞ-nin baş katibi T.Yaqlandın, AŞPA-nın sədri M.Çavuşoğlunun, bir çox ölkələrin AŞ yanında daimi nümayəndələrinin və AŞPA-dakı nümayəndə heyətlərinin rəhbərlərinin qatılması nəzərdə tutulur.

Nümayəndəlik tərəfindən il boyu bu silsilədən bir sıra digər tədbirlərin keçirilməsi də planlaşdırılır.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.