Cəmiyyət

Azərbaycanda 41 dərəcə isti olacaq - Proqnoz

25 İyul 2026 12:31

Baxış: 613

VTB-də minimal faiz dərəcəsi ilə nağd kredit 9.9%-dən

Sabah Bakıda havanın temperaturu 40 °-yə yaxın olacaq.

Milli Hidrometeorologiya Xidmətinin məlumatına əsasən, iyulun 26-da Bakıda və Abşeron yarımadasında havanın günəşli keçəcəyi gözlənilir. Cənub-şərq küləyi əsəcək.

Havanın temperaturu gecə 23-26° isti, gündüz 35-39°, bəzi yerlərdə 40°-yə yaxın isti olacaq. Atmosfer təzyiqi 752 mm civə sütunu təşkil edəcək.Nisbi rütubət gecə 70-75 %, gündüz 40-50 % olacaq.

Azərbaycanın rayonlarında havanın əsasən yağmursuz keçəcəyi gözlənilir. Lakin gündüz bəzi dağlıq ərazilərdə qısamüddətli az yağış yağacağı, şimşək çaxacağı, dolu düşəcəyi ehtimalı var. Dağlıq ərazilərdə arabir duman olacaq. Mülayim şərq küləyi bəzi yerlərdə arabir güclənəcək.

Havanın temperaturu gecə 22-27° isti, gündüz 35-39°, bəzi yerlərdə 40-41°-dək isti, dağlarda gecə 15-20° isti, gündüz 25-30° isti olacaq.

Müəllif: Malik Məlikov (Milli.Az redaktor)