Siyasət

Səməd Seyidov: "Dağlıq Qarabağ münaqişəsinə vaxtında reaksiya verilsəydi, indiki münaqişələr olmazdı"

20 Aprel 2015 17:16

0 Şərh Baxış: 1 888

#DAĞLIQ QARABAĞ #DRUG DR YAZ

"Əgər vaxtında Dağlıq Qarabağ münaqişəsinə müvafiq reaksiya verilsəydi, bu gün AŞ PA-nın yaz sessiyasında müzakirə olunan münaqişələr baş verməyə bilərdi".

Trend-in məlumatına görə, bunu Azərbaycanın AŞ PA-dakı nümayəndə heyətinin rəhbəri Səməd Seyidov Strasburqda keçirilən sessiyada deyib.

O qeyd edib ki, Avropa Şurası bütün problemlərə ləngimədən reaksiya verməlidir: "Dağlıq Qarabağ münaqişəsi nəticəsində hətta bu gün də insanlar ölür".

S.Seyidov vurğulayıb ki, Ermənistan işğal etdiyi Azərbaycan torpaqlarından öz qoşunlarını çıxarmalıdır: "Çünki bu, sülhə aparan yeganə yoldur. Ümid edirəm ki, Dağlıq Qarabağ münaqişəsi ilə bağlı AŞ PA-ya təqdim olunacaq məruzə münaqişənin bütün reallıqlarını, işğal problemini və milyon məcburi köçkünün olması faktını əks etdirəcək".

Milli.Az