Siyasət

Prezident İlham Əliyev "Büdcə sistemi haqqında" qanunla bağlı fərman imzaladı

30 Oktyabr 2014 19:17

Baxış: 984

#AZERBAİJAN

Azərbaycan Respublikasının Prezidenti İlham Əliyev "Büdcə sistemi haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2002-ci il 31 oktyabr tarixli 809 nömrəli Fərmanında dəyişikliklər edilməsi haqqında fərman imzalayıb.

Milli.Az AzərTAc-a istinadən xəbər verir ki, sənəddə deyilir:

"Azərbaycan Respublikası Konstitusiyasının 109-cu maddəsinin

32-ci bəndini rəhbər tutaraq, "Büdcə sistemi haqqında" Azərbaycan Respublikasının Qanununda dəyişikliklər edilməsi barədə" Azərbaycan Respublikasının 2014-cü il 20 iyun tarixli 1005-IVQD nömrəli Qanununun tətbiqi ilə əlaqədar qərara alıram:

"Büdcə sistemi haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2002-ci il 31 oktyabr tarixli 809 nömrəli Fərmanının (Azərbaycan Respublikasının Qanunvericilik Toplusu, 2002, N 10, maddə 605; 2004, N 12, maddə 1014; 2009, N 7, maddə 527; 2010, N 2, maddə 77; 2014, N 8, maddə 974) 2-ci hissəsinin beşinci abzasında "və 19.6-cı" sözləri ", 19.6-cı və 32.2.2-ci (üçüncü halda)" sözləri ilə əvəz edilsin və altıncı abzasına "27.5-ci (birinci halda)," sözlərindən sonra "32.2.2-ci (birinci və ikinci hallarda)," sözləri əlavə edilsin".

Milli.Az