Siyasət

ABŞ-dan Dağlıq Qarabağ çağırışı

30 Oktyabr 2014 11:06
Baxış: 1 094
#DAĞLIQ QARABAĞ #AMERİKA
ABŞ Dağlıq Qarabağ münaqişəsi tərəflərini nizamlama üzrə konstruktiv addımlar atmağa çağırır. Bunu jurnalistlərə ABŞ Dövlət Departamentinin nümayəndəsi Cen Psaki bildirib.

Trend xəbər verir ki, bu barədə Dövlət Departamentinin saytı məlumat yayıb.

Psaki deyib: "Tərəflər bu il prezidentlərin üç görüşü zamanı əldə olunan impulsa söykənə bilərlər".

Onun sözlərinə görə, Dağlıq Qarabağ münaqişəsi tərəfləri etimad tədbirləri görməlidirlər və dialoqun köməyi ilə çox şeyə nail olmağın mümkünlüyünə əminlik hiss etməlidirlər.

Psaki qeyd edib ki, ABŞ dövlət katibi Con Kerrinin Uelsdə Azərbaycan və Ermənistan prezidentləri İlham Əliyev və Serj Sarkisyanla keçirdiyi görüş də münaqişənin sülh yolu ilə və davamlı nizamlanmasında irəliləyiş işində danışıqlar prosesinə yardım edə bilər.

Oktyabrın 27-də Parisdə Azərbaycan Respublikasının Prezidenti İlham Əliyevin və Ermənistan Respublikasının Prezidenti Serj Sarkisyanın ATƏT-in Minsk qrupunun həmsədrləri ilə birgə görüşü olub.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.