Siyasət

Azərbaycanda yaşayan Ukrayna vətəndaşları kimə səs veriblər?

27 Oktyabr 2014 13:03
0 Şərh     Baxış: 876
#SİYASƏT #UKRAYNA
Ukrayna parlamentinə növbədənkənar seçkilərin nəticələrinə görə, Azərbaycanda müvəqqəti yaşayan Ukrayna vətəndaşlarının əksəriyyəti Qarşılıqlı Yardım Partiyasına səs verib.

Bu barədə bazar ertəsi Trend-ə Ukraynanın Azərbaycandakı səfirliyi yanında yaradılan Seçki Komissiyasından bildiriblər.

68 seçicidən 17-si Qarşılıqlı Yardım Partiyasına səs verib. İkinci yeri "Petro Poroşenkonun bloku" (15 səs) tutur.

Ukrayna Mərkəzi Seçki Komissiyasının (MSK) saat 10:00-a olan məlumatına görə, Ali Radaya növbədənkənar seçkilərdə bülletenlərin 28,95 faizinin hesablanmasından sonra baş nazir Arseni Yatsenyukun lideri olduğu Xalq Cəbhəsi Partiyası səslərin 21,67 faizini toplayıb. "Petro Poroşenkonun bloku" 21,60 faiz, Lvov meri Andrey Sadovının rəhbərlik etdiyi Qarşılıqlı Yardım Partiyası 10,75 faiz, Yuri Boykonun "Müxalif blok"u 9,62 faiz, Oleq Lyaşkonun Radikal Partiyası 7,53 faiz, Yuliya Timoşenkonun Batkivşina Partiyası isə 5,82 faiz səs toplayıb.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.