Siyasət

Tbilisidə GUAM PA-nın VI iclası keçiriləcək

29 Noyabr 2013 21:05
Baxış: 713
#SİYASƏT #GUAM
Dekabrın 2-3-də Tbilisidə GUAM Parlament Assambleyasının (PA) VI iclası keçiriləcək.

Trend-in məlumatına görə, iclasda Gürcüstan, Ukrayna, Azərbaycan, Moldova, Polşa, Latviya və Estoniyadan olan nümayəndə heyətləri iştirak edəcəklər. İclasın gündəliyində GUAM-ın geosiyasi mühiti və onun GUAM formatında əməkdaşlığa təsiri, siyasi münasibətlər və Avropa, eləcə də avroatlantik inteqrasiya, müxtəlif sahələr üzrə əməkdaşlıq, qlobal çağırış və birgə addımlarla bağlı məsələlər var.

Sessiyanı GUAM PA-nın sədri Zurab Abaşidze açıq elan edəcək. Gürcüstan parlamentinin sədri David Usupaşvilinin iştirak edəcəyi sessiyada yekun sənəd qəbul olunacaq.

Sessiya çərçivəsində ikitərəfli və çoxtərəfli görüşlər keçiriləcək.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.