Siyasət

Səfir: "Rusiya Qəbələ RLS-i əvvəlki vəziyyətində qaytaracaq"

6 Fevral 2013 16:04
Baxış: 505
#RUSSİA #ROLAST S.A.
"Rusiya Qəbələ RLS-i qəbul etdiyi vəziyyətdə olduğu kimi Azərbaycana qaytarmaq üzərində iş aparır". Trend-in məlumatına görə, bu barədə jurnalistlərə Rusiyanın Azərbaycandakı səfiri Vladimir Doroxin deyib.

"Dünən Qəbələ RLS üzrə komissiyanın ilk iclası keçirilib. Hazırda işlər Qəbələnin özündə davam edir. Komissiya ötən il imzalanan sazişə əsasən, stansiyanı Azərbaycana RLS Rusiyaya verilən zaman hansı vəziyyətdə idisə, o şəkildə də qaytarmaq üzərində iş aparır", - Doroxin qeyd edib.

Səfir bildirib ki, müqavilənin bağlanmasından sonra gətirilən avadanlıq Rusiyanın mülkiyyətidir və Moskvanın onu aparmağa tam haqqı var.

Onun sözlərinə görə, Qəbələdə qısa müddət ərzində nəyi çıxarmağın mümkün olması ilə əlaqədar iş aparılır. Bundan sonra sənədlər imzalanacaq. Sənədlərə əsasən, stansiya Azərbaycanın tabeliyinə veriləcək.

"Bunun nə qədər vaxt aparacağı hələlik məlum deyil. Ekspertlər Rusiyanın nəyi aparmağa haqqı olmasını müəyyənləşdirməlidirlər. Bu, müəyyən qədər vaxt aparacaq", - səfir qeyd edib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.