Siyasət

XİN BMT-nin İşçi Qrupunun Vardanyanla bağlı qərarını alqışladı

14 Mart 2025 08:45

Baxış: 908

#XARİCİ İŞLƏR NAZİRLİYİ

BMT-nin İnsan Hüquqları Şurasının Əsassız Həbslər üzrə İşçi Qrupu 13 mart 2025-ci il tarixində dərc olunmuş rəyində (A/HRC/WGAD/2024/46) Ermənistanın Ruben Vardanyanın ifadə azadlığı və siyasi fəaliyyətinə görə həbs edildiyi barədə iddialarını rədd edib.

Milli.Az xəbər verir ki, bu barədə Xarici İşlər Nazirliyi məlumat yayıb.

Rəydə vurğulanır ki, Ruben Vardanyan Azərbaycan tərəfindən terrorçuluğun maliyyələşdirilməsi, qeyri-qanuni silahlı birləşmələrin yaradılması, eləcə də genişmiqyaslı dağıntılar və insan tələfatına səbəb olan cinayətlərdə ittiham olunur. Məhz bu səbəbdən onun həbsi həyata keçirilib.

İşçi Qrup, həmçinin, Ermənistanın Vardanyanın öz hüquqlarını müdafiə etməsi səbəbindən həbs olunduğu barədə iddialarını əsassız sayıb. Rəydə qeyd olunub ki, ifadə və birləşmək azadlıqları mütləq hüquqlar deyil və milli təhlükəsizlik və ictimai asayişin qorunması məqsədilə məhdudlaşdırıla bilər. İşçi Qrupun gəldiyi nəticəyə əsasən, Vardanyanın əməlləri milli təhlükəsizliyə təhdid kimi qiymətləndirilə bilər.

Eyni zamanda, Ermənistan tərəfinin təqsirsizlik prezumpsiyasının pozulması və Vardanyanın müdafiə hüquqlarının məhdudlaşdırılması barədə iddiaları da rədd olunub. İşçi Qrup qeyd edib ki, onun həbsi əsaslı şübhələr əsasında həyata keçirilib və məhkəmə prosedurları beynəlxalq standartlara tam uyğundur.

Ümumilikdə, BMT İşçi Qrupunun rəyi Ermənistanın Ruben Vardanyanın əsassız həbs edilməsi ilə bağlı irəli sürdüyü iddiaların və Azərbaycan əleyhinə aparılan qarayaxma kampaniyasının tamamilə əsassız olduğunu bir daha təsdiqləyib. Bu, eyni zamanda, Ermənistanın beynəlxalq hüquq normalarını manipulyasiya etmək cəhdinin növbəti dəfə uğursuzluğa düçar olduğunu göstərib.

Milli.Az

Milli.Az - Xəbər Portalı

XİN BMT-nin İşçi Qrupunun Vardanyanla bağlı qərarını alqışladı

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?