Siyasət

İlham Əliyevə dərin minnətdarlığımı bildirirəm - Vuçiç

11 Noyabr 2024 17:52
Baxış: 657

Azərbaycan Prezidenti İlham Əliyevə dərin minnətdarlığımı bildirirəm. Onun qonaqpərvərliyi misilsizdir və bunu dünyanın heç bir yerində görə bilməzsiniz.

Milli.Az Trend-ə istinadən bildirir ki, bu barədə COP29 konfransı çərçivəsində jurnalistlərə açıqlamasında Serbiya Prezidenti Aleksandar Vuçiç deyib.

A.Vuçiç Prezident İlham Əliyevlə COP29-la və Serbiyada qaz elektrik stansiyasının tikintisi ilə bağlı bəzi aktual məsələləri müzakirə etdiyini qeyd edib.

"Hər iki ölkə Serbiyadakı həmin qaz elektrik stansiyasının tikintisində maraqlı tərəf ola bilər və bunu etsək, bu, bizim böyük əməkdaşlığımızda daha bir mühüm addım olardı. Ümid edirəm ki, biz gələn ilin yanvarında Belqradda Azərbaycan Prezidenti İlham Əliyevi qəbul edə biləcəyik.

Biz son bir ildə ticarət mübadiləsinin, ticarət dövriyyəsinin səviyyəsini beş il əvvəlki ilə müqayisədə uğurla 30 dəfə artırmışıq. Mən həqiqətən də burada, Azərbaycanda, Bakıda, öz evimdəki kimi hiss edirəm və ümid edirəm ki, gələn ilin yayında Azərbaycan Prezidenti İlham Əliyevi yenidən burada ziyarət edəcəyəm".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.