"SOCAR"a hücumun pərdəarxası - Qaranlıq qalan sualların cavabları

Türkiyə ilə yaxın münasibətlərimizi istəməyən ölkələrin sayı çoxdur. Dünyanın ən güclüləri sırasında yer alan Türkiyənin Azərbaycana dəstəyi çox ölkələri narahat edir. Məhz bu narahatlığın nəticəsi olaraq müxtəlif vaxtlarda münasibətlərin pozulmasına səbəb ola biləcək təxribatlar törədilir.

Bu təxribatlardan biri də "Socar"ın ofisinə hücum edilib, qapısına boya atılmasıdır. Belə ki, uzun müddətdir sosial şəbəkələrdə "SOCAR İsrailə neft satır!"  şüarı ilə Azərbaycana qarşı böhtan və yalanlara əsaslanan kampaniya aparan  qruplaşma mənsubları SOCAR-ın ofisinin giriş qapısını sındırmağa çalışıblar. Onlar daha sonra qapıya qırmızı boya töküblər. Polis "Fələstin üçün min gənc" qruplaşmasının 10 üzvünü həbs edib.

Məlum məsələdir ki, təxribata aylardır hazırlıq görülür. Hətta, bununla bağlı bir müddət əvvəl sosial şəbəkələrdə elan da verilib. Elanda qeyd olunub ki, toplaşma mayın 31-də, yerli vaxtla saat 15-də olacaq. Lakin, görüş vaxtından əvvəl baş tutub.

Burada diqqət çəkən xüsusi məqam hadisə yerində fransalı jurnalistin olmasıdır. Onun bu təxribatı "canla-başla" işıqlandırmağa çalışması diqqətdən yayınmır. Müxbirin hadisə yerinə təxribatın vaxtından əvvəl gəlməsi bütün qaranlıq qalan sualların cavablayır. Deməli, o, SOCAR binasına önündə nələrin baş verəcəyini əvvəlcədən bilirdi. Onların məqsədi Türkiyədə guya Azərbaycan-İsrail əlaqələrinə qarşı "genişmiqyaslı etirazların, antipatiya mövcudluğu"nu göstərməkdir.

"Socar"a qarşı tərxibatı kim törədib?" sualına cavab tapmaq isə çox da çətin deyil. Aydın məsələdir ki, Türkiyədəki iranpərəst qüvvələr uzun müddətdir bunun üçün çalışırlar. Türkiyənin Fələstini dəstəkləməsini, İsraillə münasibətlərinin "limoni" olmasını istifadə edən bəzi qüvvələr belə təxribatlarla Azərbaycan-Türkiyə münasibətlərinə xələl gətirmək istəyirlər.

Qeyd edim ki, dünya neft bazarında bütün şirkətlər mallarını trader şirkətlərə satırlar. Traderlərin nefti kimə satdığına şirkətlər nəzarər edə bilmir. SOCAR Azərbaycan neftini alıcılara, yəni treyterdərə satır.

Xatırladaq ki, SOCAR 2024-cü ilə qədər ən böyük investisiyalarını Türkiyədə gerçəkləşdirib. İnvestisiya yatırmağa başladığı 15 il ərzində bu rəqəm 18.3 milyard dollardır. SOCAR bununla Türkiyənin ən böyük birbaşa xarici investisiya şirkətidir.

İslam
Milli.Az