Siyasət

“Bakı ilə İrəvan arasında yol xəritəsi hazırlanıb” - Paşinyan

19 Oktyabr 2023 21:22

Baxış: 2 159

#ERMƏNİSTAN

Ermənistanın baş naziri Nikol Paşinyan Avropa İttifaqının (Aİ) vasitəçiliyi əsasında Bakı ilə İrəvan arasında münasibətlərin normallaşdırılması üçün yol xəritəsi hazırlandığını açıqlayıb.

Milli.Az bildirir ki, bu barədə o, Litvanın Baş naziri İnqrida Şimonite ilə birgə brifinq zamanı deyib.

"Vurğulamaq istərdim ki, mənimlə Azərbaycan Prezidenti arasında Brüsseldə keçirilən görüşlər zamanı Avropa İttifaqı Şurasının rəhbəri Şarl Mişelin vasitəçiliyi ilə münasibətlərin normallaşdırılması üçün yol xəritəsi hazırlanıb. Bu, Qranadada imzalanan dördtərəfli bəyanatda da öz əksini tapıb", - o deyib.

Ermənistan hökumətinin başçısı hesab edir ki, tərəflərin bu yol xəritəsinə sadiqliyi sülh prosesini sürətləndirəcək.

Milli.Az