Sağlamlıq

Siqaretlə bağlı məşhur mif puç oldu

8 Dekabr 2025 21:00

Baxış: 1 521

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #CƏMİYYƏT #SAĞLAMLIQ #SİQARET

Con Hopkins Tibb Mərkəzinin alimləri müəyyən ediblər ki, siqareti azaltmaq ürək-damar xəstəliklərindən qorumaq üçün kifayət etmir.

Milli.Az xəbər verir ki, yeni araşdırma yalnız tam tərgitməyin sağlamlığa ciddi təsir göstərdiyini üzə çıxarıb.

ABŞ-ın Con Hopkins Tibb Mərkəzinin alimləri Milli Ürək, Ağciyər və Qan İnstitutunun maliyyə dəstəyi ilə həyata keçirdikləri genişmiqyaslı araşdırmada siqaret çəkmə intensivliyi, ümumi çəkmə müddəti və tərgitmədən sonra keçən zamanın ürək-damar xəstəliklərinə təsirini araşdırıblar.

Tədqiqatın nəticələri PLOS Medicine jurnalında dərc olunub.

Araşdırma 323 min 826 nəfəri əhatə edib və iştirakçılar 20 ilə yaxın müddətdə izlənilib. Bu dövrdə 125 min ölüm və 54 min ürək-damar hadisəsi qeydə alınıb.

Tədqiqatın əsas müəlliflərindən olan kardioloq Maykl Blaha bildirib ki, "gündə yalnız bir neçə siqaret" belə ürək-damar sisteminə ciddi zərər vurur: "Az siqaret çəkmək təhlükəni aradan qaldırmır. Ən böyük sağlamlıq faydası yalnız tam imtinadan əldə olunur."

Tədqiqatda risklər üç əsas meyar üzrə qiymətləndirilib:

- neçə il siqaret çəkildiyi,
- gündə çəkilən siqaret sayı,
- tərgitmədən nə qədər vaxt keçməsi.

Məlum olub ki, siqareti nə qədər tez tərgitmək mümkün olarsa, ürək-damar xəstəlikləri və ölüm riski bir o qədər aşağı düşür. Ancaq siqareti "azaltmaq" riskləri demək olar ki, azaltmır.

İsmayıl
Milli.Az

Milli.Az - Xəbər Portalı

Siqaretlə bağlı məşhur mif puç oldu

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?