Siyasət

Qondarma rejim Ermənistana getmək istəyən Qarabağ ermənilərindən bu qədər pul istəyir

18 Sentyabr 2023 13:00

Baxış: 1 479

#QARABAĞ #ERMƏNİSTAN

Qarabağdakı qondarma rejim Rusiya sülhməramlıları ilə birlikdə Ermənistana getmək istəyənlərdən 4000 dollar pul tələb edir.

Milli.Az Trend-ə istinadən xəbər verir ki, erməni bloqer Natali Aleksanyan sosial media hesabında yazıb.

"Əvvəllər bizə deyirdilər ki, insanların çıxışını əngəlləyən Azərbaycandır, indi məlum oldu ki, çıxışı sülhməramlılarla birlikdə bağlayan Qarabağdakı qondarma rejimdir. Onlar insanlardan böyük pullar qoparıblar", - deyə o əlavə edib.

Erməni bloqer bu məlumatı yoxlamaq üçün Qarabağda yaşayan dostları ilə əlaqə saxladığını və onların da məlumatı təsdiqlədiklərini bildirib.

Bununla da ermənilərin və Qarabağdakı qondarma rejimin blokada yalanı bir daha ifşa oldu. Azərbaycan heç bir yolu bağlamayıb. Hər gün Laçın sərhəd-buraxılış nəzarət məntəqəsindən erməniəsilli şəxslərin sərbəst hərəkəti təmin edilir. Göründüyü kimi, insaların keçidinə mane olan Azərbaycan yox, Qarabağdakı qondarma rejimdir.

Milli.Az