Siyasət

Ərdoğan təyyarəyə görə Paşinyana təşəkkür etdi – Telefon danışığının mətni

7 Fevral 2023 22:39

Baxış: 3 176

#TÜRKİYƏ #ZƏLZƏLƏ

Ermənistan Baş naziri Nikol Paşinyan ilə Türkiyə prezidenti Rəcəb Tayyib Ərdoğan arasında telefon danışığı olub.

Ermənistanın baş naziri Türkiyənin cənub-şərqində baş vermiş güclü zəlzələ nəticəsində çoxsaylı insan tələfatı ilə əlaqədar Türkiyə prezidentinə və xalqına başsağlığı verib və dəstək sözlərini bildirib.

"Paşinyan bütün zərərçəkənlərin tezliklə sağalmasını arzulayıb və əlavə edib ki, xilasetmə qüvvələrini daşıyan təyyarə İrəvanın Zvartnots hava limanından fəlakət zonasına uçmağa hazırlaşır", - məlumatda deyilir.

Ərdoğan Paşinyana təşəkkür edib və Türkiyə hökumətinin Ermənistanın dəstəyini yüksək qiymətləndirdiyini qeyd edib. O, bu addımın iki ölkə arasında dialoqun daha da dərinləşməsi kontekstində vacibliyini vurğulayıb.

Milli.Az