Siyasət

Mediaya sızan məlumat AB-ni böldü: Zelenski...

7 Fevral 2023 21:34
Baxış: 1 555
#RUSİYA-UKRAYNA MÜHARİBƏSİ

Avropa Birliyi (AB) rəsmiləri Ukrayna Prezidenti Vladimir Zelenskinin Brüsselə mümkün səfəri ilə bağlı məlumatın mediaya sızması ilə əlaqədar qarşılıqlı ittihamlar səsləndirirlər.

Milli.Az teleqraf.com-a istinadən bildirir ki, bu barədə İngiltərənin "The Guardian" qəzeti yazır.

Məlumatda bildirilir ki, sızma Ukrayna liderinin təhlükəsizliyi ilə bağlı narahatlığı artırıb.

Bu barədə İtaliya KİV-i Zelenskinin Brüsselə planlaşdırılan səfərindən təxminən 48 saat əvvəl məlumat yayıb. Daha sonra bu haqda Avropa Xalq Partiyasının (APP) nümayəndələri Tvitterdə paylaşım ediblər.

Tezliklə silinən paylaşımda deyilib: "Sizi Brüsseldə salamlamağı səbirsizliklə gözləyirik, cənab Prezident".

Zelenskinin iştirak edəcəyi AB sammitini təşkil edən Avropa Şurasının prezidenti Şarl Mişel məlumat sızmasına görə Avropa Parlamentini günahlandırıb.

Avropa Parlamentinin üzvləri də bu səfəri işıqlandıran AP prezidenti Roberta Metzolanı ittiham ediblər.

Məqalədə vurğulanır ki, Şarl Mişel və Avropa Komissiyasının rəhbəri Ursula fon der Leyen Ukraynaya dəstək məsələsində bir-birləri ilə yarışa giriblər. Xüsusən də Ukraynanın AB-yə daxil olmasının perspektivləri barədə həvəslə danışırlar.

"Bu qalmaqal AB institutlarının Ukrayna ilə həmrəylik nümayiş etdirmək və Zelenskiyə dəstək göstərmək üçün necə rəqabət və mübarizə apardığını göstərir", - ingilis nəşri yazır.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.