Siyasət

Krım partlayışı Ermənistanı vurdu: Yuxarı Larsda tıxacdır

22 Oktyabr 2022 08:24
Baxış: 1 868

Krım körpüsündə baş verən partlayışdan sonra Yuxarı Lars keçid məntəqəsində maşınların buraxılışı ilə bağlı qaydalar sərtləşdirilib.

Milli.Az axar.az-a istinadən bildirir ki, bu barədə Ermənistanın iqtisadiyyat naziri Vaan Kerobyan danışıb.

O bildirib ki, ciddi yoxlamaların səbəbləri təhlükəsizliklə bağlıdır.

Bu məsələni Rusiyanın iqtisadi inkişaf naziri Maksim Reşetnikovla bu gün müzakirə etdiyini bildirən Kerobyan yaxın vaxtlarda əvvəlki vəziyyətin bərpa olunacağının mümkünsüzlüyünə işarə edib:

"Hazırda əvvəlki keçid sürətinin bərpası problemlidir. Ona görə də böyük tıxac yaranıb".

O deyib ki, problemin həlli üçün keçid məntəqəsində əlavə gömrük buraxılış zolağı yaratmağı düşünürlər.

Qeyd edək ki, Rusiya Baş Prokurorluğu Krım körpüsünün partladılması üçün göndərilən partlayıcının Ermənistanda maşına yükləndiyi və Gömrük İttifaqının tələblərinə uyğun sənədləşdirildiyini üzə çıxarıb. Başqa sözlə desək, bu partlayıcının Krıma gedib çatmasına Ermənistan səbəb olub. Belə ki, Aİİ üzvü olan Ermənistanın yükləri gömrük sadələşdirilməsi ilə sərhəd məntəqələrindən daha sürətli və asan keçid əldə edir. Rusiya sərhədçi və gömrükçülərinin partlayıcı yüklənmiş maşına xüsusi diqqət etməməsi də onun Ermənistanda Gömrük İttifaqının tələblərinə uyğun yenidən sənədləşməsi olub.

Buna görə də hazırda Ermənistana güvən azalıb və bu ölkədən gələn yüklər tam ciddiyyətlə yoxlanır.

Milli.Az

 

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics