Siyasət

Pelosi Paşinyanla görüşdə Rusiyaya hücum etdi

19 Sentyabr 2022 08:32
Baxış: 751

ABŞ Nümayəndələr Palatasının sədri Nensi Pelosi Ermənistan hakimiyyətinə və xalqına daha bir ciddi mesaj verib.

Milli.Az axar.az-a istinadən bildirir ki, bu barədə Pelosi Ermənistan Baş naziri Nikol Paşinyanla görüşündə deyib.

"Ermənistanda demokratiyanın dəstəklənməsi, "erməni soyqırımı" haqqında qətnamənin qəbulu (Nümayəndələr Palatasında qondarma soyqırım qətnaməsinin qəbulu nəzərdə tutulur - red.), Türkiyənin Qarabağ məsələsində fəaliyyətinə qarşı və bütün digər məsələlərdə biz Ermənistanın dostuyuq. Biz sizin hakimiyyətə hörmət əlaməti olaraq burdayıq", - Pelosi ermənilərə müraciətlə bildirib.

Pelosi ötənilki parlament seçkilərinə də toxunub və onu ədalətli və azad seçkilər adlandırıb:

"Bu, (Paşinyanın qələbəsi - red.) müharibə və digər şərtlər daxilində çox əlamətdar qələbə idi".

Qeyd edək ki, Pelosinin Paşinyanı bu qədər tərifləməsi və xalqa "sizin hakimiyyətinizə hörmətimizə görə burdayıq" deməsi təsadüfi deyil. Paşinyanın sosial-ictimai dəstəyini gücləndirməyə çalışan ABŞ onun vasitəsilə Rusiya hərbi-siyasi varlığını Ermənistandan çıxarmaq uğrunda açıq və sərt savaşa girdiyini göstərir.

Yada salaq ki, Pelosi Ermənistanın KTMT-dən çıxacağı təqdirdə ABŞ-ın tam dəstək verəcəyini bu gün mətbuat konfransında elan etdi.

Milli.Az

 

Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics