Siyasət

Rusiya raketləri Odessa limanlarına yönəlib - Mişel

23 İyul 2022 20:53

0 Şərh Baxış: 892

#RUSİYA-UKRAYNA MÜHARİBƏSİ

Dünyadakı ərzaq böhranında Rusiya təqsirkardır.

Milli.Az axar.az-a istinadən bildirir ki, bu barədə Avropa İttifaqı Şurasının Prezidenti Şarl Mişel deyib.

"Bir neçə dəqiqə əvvəl Ukraynanın Baş naziri ilə telefonla danışdıq. Bir neçə saat əvvəl atılmış Rusiya raketləri Odessaya və Ukraynanın bloklanmış limanlarında olan milyonlarla ton taxılına yönəldilib. Bu, həqiqətən də dünyada milyonlarla insanın həyatı üçün böyük təhlükə yaradır.

Afrikadan yenicə qayıtdım, Afrika ölkələrinin rəhbərləri ilə görüşmək imkanım oldu, bilirlər ki, vəziyyət onlar üçün çox ağırdır və gələcəkdə daha da çətinləşə bilər. Biz aydın şəkildə başa düşməliyik ki, bu böhranda Rusiya günahkardır", - Mişel qeyd edib.

Milli.Az