Siyasət

Hərbçilərimiz ermənilərin daha bir yalanını puç edəcək - FOTO

4 İyul 2022 23:23
1 Şərh     Baxış: 2 826

İkinci Qarabağ Müharibəsinin ilk günlərində, daha dəqiq olsaq, oktyabrın 1-də Ermənistanın Müdafiə Nazirliyi bəyanat yayaraq bildirmişdi: "Türkiyənin Hərbi-Hava Qüvvələrinin 2 F-16 qırıcısı Ermənistanın Su-25 hücum təyyarəsinə hücum edərək onu vurub salıblar".

Milli.Az bildirir ki, Ermənistan Müdafiə Nazirliyinin həmin dönəmdəki mətbuat katibi Şuşan Stepanyan isə əməllicə isterikaya qapılaraq deyili: "Su-25 təyyarəmiz 8 min metr yüksəklikdə uçarkən türklərin iki F-16-nın hücumuna məruz qalıb. Bunu qeydə də almışıq".

Lakin günlər keçdi, ermənilər mifik "F-16 hücumu" ilə bağlı bir sübut, dəlil, foto və ya video material yaymadılar. Sadəcə, yerə düşərək partlamış Su-25-in qalıqlarının fotolarını paylaşmaqla kifayətləndilər.

Daha sonra bildirdilər ki, Su-25-in pilotu, mayor Valeri Danelin həlak olub.

Ermənilərin iddiaları absurd idi, çünki Türkiyə HHQ-də olan F-16 təyyarələrinin belə yüksəklikdə və məsafədə hədəfi vurub salmaq üçün istifadə etdiyi raket tipi "AİM-120 Amraam"dır.

Gərçi F-16-lar erməni təyyarəsini vurmuşdularsa, hədəfə açılan raketin qalıqları da tapılmalıydı.

Lakin nə raket qalıqları vardı, nə də mifik və uydurma "hücum"un qeydə alındığı hər hansı radiolokasiya qeydi.

Reallıqsa tam fərqli idi. Ermənistan səmasında iki Su-25 toqquşmuşdu və onların qalıqları Zəngəzura səpələnmişdi.

Bu yaxınlarda isə hərbçilərimiz Kəlbəcər rayonundakı Söyüdlü-Zod qızıl yatağının ərazisində həmin Su-25-lərdən birinin qalıqlarını aşkarlayıblar.

Mütəxəssislərimiz üçün ekspertiza keçirərək Ermənistan Hərbi-Hava Qüvvələrinrin Su-25 təyyarəsinin yerə düşmə səbəblərini təyin etmək çətin olmayacaq.

Milli.Az

Məqaləyə dair fotomateriallar:

 

Şərh yaz:

1 Şərh:

  • Anonim
    asi · 5 İyul 09:2700

    Məqalədə adı keçən erməni itinin adı Şuşa yox, şuşan-dı..Kiçik bir axtarış apardım, adla bağlı..Erməni mənbələrin heç birində adın Şuşa ilə bağlı olması haqqında bir məlumat yoxdur, başqa məna daşıyır, bəlkə də özləri uydurublar, amma yenə də bizim Şuşa ilə əlaqədar ad deyil, həm dığalatər Şuşaya “ şuşi” deyirdi..Ona görə də ona Şuşa demək olmaz, itin öz adını yazın...

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics