Siyasət

Baydenin əməkdaşlarının gəlirləri açıqlandi

2 İyul 2022 08:33
0 Şərh     Baxış: 309

Ağ Ev ABŞ prezidenti Co Baydenin administrasiyasının əməkdaşlarının illik gəlirləri haqqında məlumatları təqdim edən hesabat dərc edib.

Milli.Az Trend-ə istinadən bildirir ki, prezident ofisinin əməkdaşları arasında tutduğu vəzifədən gəlir əldə etməyənlər də var. Prezidentin seçki hüquqları üzrə baş müşaviri Castin Levitt, iqtisadi siyasət üzrə xüsusi müşaviri Nil Mahoni, həmçinin immiqrasiya üzrə baş məsləhətçi Ramzi Kassem tutduqları vəzifələrdən gəlir əldə etməyiblər.

Administrasiyanın bütün 474 əməkdaşı arasında illik ən çox - 191,3 min dollar gəlir əldə edən nəqliyyat üzrə baş siyasi məsləhətçi Luiza Paevonski olub.

Hesabatda daha sonra Ağ Evin mətbuat katibi Karin Jan Pyer, Ağ Evin Milli İqtisadi Şurasının rəhbəri Brayan Diz, prezident administrasiyasının rəhbəri Ronald Klein və ABŞ prezidentinin milli təhlükəsizlik üzrə müşaviri Ceyk Sallivan da daxil olmaqla, 180 min dollar gəliri olan 24 nəfər yer alır.

Qeyd edək ki, Ağ Ev 1995-ci ildən bəri hər il Konqresə əməkdaşlarının gəlirləri haqqında hesabat verir.

Milli.Az

 

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics