Siyasət

Türkiyə, Finlandiya, İsveç və NATO liderlərinin zirvə görüşü keçirilib

28 İyun 2022 21:48
0 Şərh     Baxış: 366

Madriddə Türkiyə prezidenti Rəcəb Tayyib Ərdoğan, Finlandiya prezidenti Sauli Niinistö, İsveçin baş naziri Maqdalena Andersson və NATO-nun baş katibi Yens Stoltenberqin iştirakı ilə dördtərəfli görüş keçirilib.

Milli.Az Trend-ə istinadən bildirir ki, danışıqlar NATO dövlət başçılarının zirvə toplantısı çərçivəsində İFEMA Konqres Mərkəzində keçirilib.

Müzakirələr mətbuata qapalı olub və iki saat davam edib.

Məsləhətləşmələr NATO-nun baş katibi Yens Stoltenberqin təşəbbüsü ilə keçirilib.

Türkiyə tərəfdən görüşdə xarici işlər naziri Mövlud Çavuşoğlu, milli müdafiə naziri Hulusi Akar, Türkiyə Prezident Administrasiyasının Kommunikasiya İdarəsinin rəhbəri Fahrettin Altun, Türkiyə Prezident Administrasiyasının mətbuat katibi İbrahim Kalın və Türkiyə Milli Kəşfiyyat Təşkilatının (MİT) rəisi Hakan Fidan iştirak edib.

Milli.Az

 

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics