Siyasət

Heydər Əliyev Azərbaycanda ordu quruculuğu prosesinin banisidir - General-leytenant - VİDEO - FOTO

10 May 2022 17:36
Baxış: 593

Heydər Əliyev Azərbaycanda ordu quruculuğunun banisi, Silahlı Qüvvələrimizin memarıdır. Ulu öndər hakimiyyətə gələndə ordu yox idi, olan-qalan hərbi infrastruktur o zamankı səriştəsiz rəhbərlik tərəfindən məvh edilmişdi, pərakəndə silahlı dəstələr fəaliyyət göstərirdi. Bunun nəticəsi idi ki, Ermənistan Azərbaycan ərazilərini tez bir müddətdə işğal etdi".

Bunu Trend BİA-nın "Sahil Kərimli ilə Aktual" müəllif videolayihəsinə müsahibəsində keçmiş korpus komandiri, ehtiyyatda olan general-leytenant, hərbi ekspert Yaşar Aydəmirov deyib.

General-leytenant bildirib ki, Heydər Əliyev ilk gündən ordunu cəmləşdirdi, cəbhədə xeyli uğurlar qazanıldı:

"Ulu öndərin bir çağırışı ilə minlərlə vətəndaş səfərbər oldu, ordu birləşmələri yaradıldı və Horadiz, Beyləqan istiqamətində işğalçı düşmənə layiqli zərbələr endirildi. Çünki, Heydər Əliyevə inam, etibar var idi. Bütün xalq ona güvənirdi", - deyə o əlavə edib.

Y.Aydəmirov bildirib ki, hələ sovetlər dönəmində ulu öndərin milli kadrları hərb sənətinə cəlb etməsi, azərbaycanlıları hərbi təhsil üşün ittifaqın müxtəlif hərbi məktəblərinə göndərməsi uzaqgörən siyasət idi:

"Heydər Əliyev Azərbaycanın gələcəyini düşünürdü, milli kadrların hərb sənətinə yiyələnməsi, onların peşəkar zabit kimi yetişməsi üçün bütün imkanlardan istifadə edirdi. Heydər Əliyevin göndərişi ilə hərbi təhsil alan gənclərimiz müstəqillik illərində milli ordumuzun kadr potensialının formalaşmasında mühim rola malik oldular".

Videomüsahibəni təqdim edirik:

Milli.Az

Məqaləyə dair fotomateriallar:

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.